50:260  bemus  sine  comparatione.  Nonnulli  ironiam  esse  existimant:  quasi  diceret  Paulus:  tu  tibi  blandiris  propter  aliorum  vitia:  verum  si  respicias  quis  sis  ipse,  tunc  habebis  laudem  tibi  debitam,  id  est  nullam:  quia  nemo  est,  qui  guttam  laudis  mereatur.  Postea  exponunt  quod  sequitur,  quisque  portabit  suum  onus,  pro  solet  portare.  Verum  absque  figura  aptius  sensus  cohaeret.  Verba  enim  hoc  sonant,  quoad  te  ipsum  solum,  habebis  laudem,  non  ex  aliorum  comparatione.  Scio  cur  ironia  illis  arrideat.  Quoniam  scilicet  apostolus  proxima  sententia  in  nihilum  redegit  totam  hominum  gloriam.  Sed  hic  Paulus  de  gloriatione  bonae  conscientiae  agit,  quam  Dominus  suis  concedit,  et  qua  Paulus  alibi  exsultat.  Ea  nihil  aliud  est  quam  gratiae  Dei  recognitio,  quae  hominem  minime  extollit,  sed  ad  Deum  glorificandum  incitat.  Talem  laudis  materiam  in  se  reperiunt  pii,  quam  non  meritis  suis,  sed  Dei  bonitati  acceptam  ferant.  Haec  est  gloriatio  nostra,  inquit  alibi  (2.  Cor.  1,  12),  testimonium  bonae  conscientiae,  quod  fideliter  versati  simus,  ete.  Et  Christus  (Matth.  6,  7):  Intra  in  cubiculum  tuum,  coram  patre  tuo  benefac  in  abscondito:  et  pater  tuus  qui  est  in  abscondito,  reddet  tibii).  5.  Quisque  enim  proprium  onus.  Ut  socordiam  et  fastum  nobis  excutiat,  proponit  nobis  Dei  iudicium:  ubi  quisque  rationem  vitae  suae  seorsum  reddet  absque  comparatione.  Hoc  enim  est  quod  nos  fallit:  quia  luscus  inter  caecos  bene  oculatus  sibi  videtur,  fuscus  inter  nigros  album  se  putat.  Istis  imaginationibus  negat  locum  fore  in  iudicio  Dei:  quia  illic  onus  suum  singuli  portabunt,  neque  alii  alios  suis  peccatis  absolverit.  Haec  est  genuina  mens  Pauli.  6.  Communicet  is,  qui  instituitur  in  sermone,  cum  doctore  in  omnibus  louis..  7.  Ne  erretis,  Deus  non  subsannatur.  Quod  enim  seminaverit  homo,  hoc  etiam  metet.  8.  Nam  qui  seminat  carni  suae,  ex  carne  metet  corruptionem:  qui  autem  seminat  spiritui,  ex  spiritu  metet  vitam  aeternam.  9.  Bonum  autem  faciendo  ne  defatigemur.  Nam  si  non  defecerimus,  metemus  opportuno  tempore.  10.  Ergo  ubi  tempus  habemus,  benefaciamus  erga  omnes,  praesertim  vero  erga  domesticos  fidei.  6.  Cummunicet  is.  Verisimile  est,  iam  tunc  neglectos  fuisse  doctores  et  verbi  ministros.  Quae  tamen  turpissima  est  ingratitudo.  Quam  indignum  est  enim  fraudare  victu  corporali  eos,  a  quibus  animae  nostrae  pascuntur?  Non  dignari  terrena  com-  J)  Addidit  Calvinus  in  margine:  Quamquam  proprie  loquendo  nihil  affirmat,  sed  hanc  demum  legitimam  ac  solidam  fore  docet,  si  quisque  suo  pretio,  non  autem  ex  alterius  vilitate  aestimetur.  Itaque  conditionalis  est  oratio:  quasi  diceret,  non  alios  censeri  probos  nisi  qui  seorsum  tales  reperiuntur.