5:260  sternendamque,  omnes  daemonum  technas,  machinas,  copias  concurrisse,  plane  conspiciunt.  [pag.  25J  Verum  novae  rursum  ambages  ab  aliis  mihi  obtenduntur.  Nam  eorum  nonnulli,  qui  olim,  quum  in  communi  errorum  labyrintho  versarentur,  sacerdotii  papalis  oleo  inuncti  fuerunt,  in  veteris  etiamnum  harae  stercoribus  considunt:  et  quanquam  de  unico  aeternoque  Christi  sacerdotio,  Dei  beneficio,  praeclare  sunt  edocti,  sacrificare  nihilominus  pergunt:  idque  ut  impune  sibi  liceat,  postulant.  Impudens  sane  postulatum  Nempe  ut  missae  praeesse  sibi  concedatur:  cui  ne  interesse  quidem  christianis  hominibus,  iamdiu  validissimis  rationibus  contendo.  Quas  tamen  ad  elabendum  argutiolas  nectant,  audire  refutareque  obiter  operae  pretium  est.  Quando,  inquiunt,  neque  sacrilega  illa  immolandi  Christi  cogitatio,  nec  vana  de  panis  in  Deum  transitione  opinio,  neque  earum  superstitionum  quae  missam  ipsam  impiam  faciunt  animis  nostris  ulla  insidet,  externi  ritus,  quorum  repraesentatione  indoctorum  iniquitati  satisfacere  cogimur,  quales  sint,  non  magnopere  refert:  nec  vero  possunt,  quo  minus  pro  missa  sanctam  Domini  coenam  celebremus,  impedire.  Nam  nimium  perversa  ista  fuerit  morositas:  missam  externa  caeremoniarum  larva  levibusque  duntaxat  ineptiis  aestimare,  non  pravis  opinionibus  ac  sacrilegis  mendaciis,  quibus  in  rebus  sitam  esse  eius  impietatem  omnes  fatemur.  Omissa  igitur  offerendi  mentione,  superstitionum  omnium  vanitate  sublata,  si  coenam  Domini,  quo  modo  per  iniquos  saeculi  mores  licet,  colere  nos  nihil  ambigitur,  frivolas  quasdam  caeremoniarum  nugas,  ingentis  sceleris  instar,  insectari  perquam  indignum  est.  At  si  eorum  quempiam  ex  adverso  aggrediar:  coonam  'Domini  suis  et  ipsam  caeremoniis,  nequaquam  negligendis,  constare,  quod  et  a  coelesti  magistro  sint  institutae,  et  sic  institutae,  ut  propria  essent  germanaque  coenae  symbola,  quibus  sublatis,  agnosci  iam  illa  non  posset:  cuius  permissu  tantum  se  ausum  esse  respondebit,  illud  ut  nescio  quid  omnibus  coenae  symbolis  exutum  ac  deformatum,  fabulaeque  magis  quam  ullius  divini  mysterii  simile,  coenam  nuncuparet.  Coenam  esse  Domini  nego,  ad  cuius  spirituales  epulas,  non  in  commune  omnes  qui  adsunt  fideles  invitentur,  nisi  in  qua  et  sancta  panis  ae  calicis  symbola  ecclesiae  proponantur,  et  promissiones,  quibus  obsignandis  data  est,  enarrentur,  et  acquisita  nobis  per  Domini  mortem  vitae  gratia  praedicetur.  Horum  tu  l)  mihi  vel  minimum  apicem  in  missa  ostendes?  ac  non  potius  adversa  contraque  pugnantia  omnia?  Tu  igitur  aut  Dei  nomine  stolida  hominum  [pag.  26]  temeritate  excogitatam  insulsitatem  insignies,  aut  coenae  nomen  ad  circulatorios  lusus,  in  quibus  nul-  1)  tum  1576.  1597.  1611.  Gallum  toy.