49:260  recte  vivendi  principium  esse,  si  pendeant  homines  a  Dei  nutu,  nec  sibi  dubio  et  vacillante  animo  vel  digitum  movere  permittant  :  quia  fieri  non  potest  quin  ad  contumaciam  statim  prosiliat  temeritas,  ubi  longius  progredi  audemus  quam  persuasi  sumus  nobis  licere.  Si  quis  obiiciat,  errorem  semper  esse  perplexum,  ideoque  non  posse  infirmis  certitudinem  constare  quam  requirit  Paulus,  in  promptu  est  solutio,  talibus  ignosci,  modo  intra  suum  modulum  se  contineant.  Neque  enim  aliud  voluit  Paulus  quam  cohibere  immodicam  licentiam,  qua  fit  ut  plurimi  quasi  fortuito  se  ingerant  ad  res  dubias  et  incognitas.  Hunc  ergo  delectum  requirit  Paulus,  ut  omnibus  nostris  actionibus  praeeat  Dei  voluntas.  6.  Qui  curat  diem,  Domino  curat.  Quum  certum  esset  Paulo,  ex  ignoratione  Christi  provenire  dierum  observationem:  non  est  credibile1),  talem  ab  eo  corruptelam  in  totum  defendi:  et  tamen  ita  videntur  sonare  verba,  nihil  delinquere  qui  diem  observat.  Nam  Deo  nihil  acceptum  esse  potest  nisi  bonum.  Ergo  ut  eius  mentem  teneas,  distinguere  necesse  est  inter  opinionem,  quam  de  observandis  diebus  quis  conceperit,  et  observationem  ipsam,  cui  se  adstringit  Opinio  enim  superstitiosa  est;  neque  id  negat  Paulus,  qui  et  iam  infirmitatis  nomine  eam  damnavit  et  statim  apertius  damnabit.  Quod  autem  is,  qui  tenetur  ea  superstitione,  violare  diei  solennitatem  non  audet,  illud  approbatur  Deo:  propterea  quod  nihil  audet,  dubia  conscientia,  suscipere.  Quid  enim  faceret  Iudaeus,  qui  nondum  adeo  profecit  ut  dierum  religione  sit  liberatus?  habet  verbum  Domini,  quo  commendatur  dierum  observatio.  Necessitas  illi  imponitur  per  legem:  abrogatio  nondum  illi  perspecta  est.  Nihil  ergo  superest,  nisi  ut  ampliorem  revelationem  exspectans  contineat  se  intra  modum  captus  sui  :  nec  ante  beneficio  libertatis  fruatur,  quam  fide  illud  amplexus  sit.  Sic  et  de  eo  sentiendum  est,  qui  ab  immundis  cibis  sibi  temperat.  Nam  si  ita  perplexus  vesceretur,  illud  non  esset  e  manu  Dei  beneficium  accipere,  sed  rebus  vetitis  manum  iniicere.  Utatur  ergo  aliis,  quae  sibi  permissa  putat,  et  modum  intelligentiae  suae  sequatur.  Sic  gratias  aget  Domino,  quas  agere  non  posset  nisi  persuasus  esset,  Dei  beneficio  se  fuisse  pastum.  Ideo  non  erit  aspernandus,  tanquam  Dominum  hac  sua  sobrietate  et  pia  timiditate  offendat.  Nec  vero,  si  dicamus  infirmi  hominis  modestiam  Deo  probari,  non  quia  meretur,  sed  per  indulgentiam,  in  eo  quidquam  erit  absurdi��  Caeterum  quia  nuper  exegit  mentis  certitudinem,  ne  quisque  suo  arbitrio  temere  hoc  vel  illud  servandum  suscipiat:  videndum  est  annon  hortetur  hic  potius  quam  affirmet:  quia  melius  hoc  modo  contextus  fluet:  Cuique  ratio  facti  sui  constet,  quia  reddenda  erit  apud  coeleste  tribunal  ratio.  Nam  l  )  quod  voluerit  .  .  .  .  defendere