[SEARCH HOME] | [CONTENTS] | [기독교강요 라틴어-영어 문장별 대조본] | [원문칼빈전집안드로이드앱]

IOANNIS CALVINI OPERA QUAE SUPERSUNT OMNIA
volume column dictionary *for dictionary, click or touch the word
[Pre] [Next] [Original Text Jpg]


41:260  quamvis  pugnandum  sit  et  cum  gladio,  et  cum  igne,  et  cum  exsilio,  et  cum  direptione  bonorum.  Adiungit,  idque  diebus  multis.  Et  haec  circumstantia  magnum  pondus  in  se  continet,  quia  videmus  multos  ad  tempus  satis  virili  esse  et  intrepido  animo,  postea  languescere,  et  tandem  evanescere,  ut  fiant  prorsus  sui  dissimiles.  Angelus  autem  hic  promittit  fore  insuperabilem  constantiam  eorum  qui  sustinebuntur  Dei  spiritu,  ita  ut  non  uno  tantum  die,  vel  mense,  vel  anno  certent,  sed  subinde  colligant  animos  ad  nova  certamina,  neque  unquam  deficiant.  Postea  addit,  Et  quum  Uli  cadent,  vel  quum  ceciderint,  fortificabuntur,  vel  adiuvabuntur,  auxilio  parvo.  Non  dubium  est  quin  angelus  loquatur  hic  de  Machabaeis,  quorum  opera  collecti  fuerunt  fideles,  ut  se  disiungerent  ab  illis  apostatis  qui  prodiderant  et  templum  et  cultum  Dei.  Vocat  auxilium  parvum,  ut  revera  fuit.  Quid  enim  poterant  Machabaei  Antiochi  respectu?  Scimus  quanta  fuerit  potentia  illius  regis.  Quid  enim  erat  Iudaea  prae  regno  Syriae?  Deinde  Iudaei  se  ipsos  perdiderant,  quoniam  illi  foedifragi,  de  quibus  ante  visum  est,  corruperant  multos  ex  plebe:  nulla  erat  amplius  ratio,  nullum  consilium,  et  nullus  consensus.  Parvum  igitur  fuit  illud  auxilium,  quod  Deus  suis  attulit.  Sed  tamen  significat  angelus  Deum  opem  laturum  suis  laborantibus,  ita  ut  aliquid  levationis  tandem  sentiant  a  saevitia  tyranni.  Postea  addit,  Adiungent  se  illis  multi  per  blanditias.  Adhuc  angelus  resecat  ex  parvo  illo  numero  maiorem  partem,  et  ita  admonet  quam  misera  sit  futura  ecclesiae  conditio,  quoniam  paucissimi  audebunt  se  opponere  tyranni  amentiae,  deinde  ex  paucis  illis  multi  tamen  hypocritae  erunt.  Etsi  autem  totum  hoc  caput  non  aliter  potest  accipi  quam  de  Antiocho,  tamen  non  dubium  est  quin  Deus  etiam  nobis  consulere  voluerit  in  his  vaticiniis.  Ergo  ad  nos  etiam  pertinent,  quoniam  etsi  Deus  varie  gubernat  suam  ecclesiam  tamen  semper  continet  eam  sub  cruce  et  sub  variis  tentationibus,  deinde  idem  hostis  qui  olim  ecclesiam  oppugnavit,  adhuc  nobis  molestus  est,  nempe  diabolus.  Partim  autem  nos  aggreditur  per  hostes  manifestos,  partim  vero  per  domesticos.  Ergo  non  tantum  veteribus  utilis  fuit  haec  doctrina,  sed  ad  nos  etiam  hodie  pertinet.  Primo  igitur  quum  praedicit  angelus  adiutum  iri  auxilio  parvo  fideles,  discamus  etiam  ubi  Deus  nobis  succurrere  vult  atque  opitulari,  tamen  non  semper  exserere  plenam  suam  virtutem,  ut  fulminet  e  coelo,  prosternat  primo  impetu  hostes  nostros:  sed  pugnare  sub  specie  crucis,  ita  ut  longe  simus  impares  reprobis  ad  resistendum.  Iam  secundo  membro  notandum  est,  fieri  non  posse  quin  multi  hypocritae  fallaciter  se  permisceant  filiis  Dei,  etiam  ubi  Deus  ecclesiam  suam  sic  purgat,  ut  maneat  tantum  exigua  portio,  quemadmodum  hodie  huius  vaticinii  experimentum  nobis  versatur  ante  

[Pre] [Next]


Copyright ⓒ 2018 In Hyuk Lee. All rights reserved. http://blog.naver.com/isaaci