29:260  tamen  sibi  tantum  permittere  non  debuit,  ut  ad  Rachelem  etiam  Leam  adiiceret.  Nam  nullum  erat  cum  Lea  coniugium  in  quam  prius  non  consenserat.  Quas  vero  poenas  luit?  nam  inter  malleum  et  incudem  versatur.  Nam  quo  se  vertat  ignorat:  flectere  mulieres  illas,  licet  sorores,  non  potest.  Iras  et  simultates  illarum  videt,  imo  et  odia  plus  quam  Vatiniana,  Deum  in  familia  sua  graviter  offendi,  suamque  domum  mutuis  odiis  infestam  cogitur  intueri,  nullam  apud  uxores  autoritatem  retinens.  Sed  quid  agab?  Hunc  sibi  miser  laqueum  iniecerat,  contra  matrimonii  iura  duabus  ductis  in  uxores  sororibus.  Hinc  itaque  discamus  quantum  sit  peccatum  a  divinae  legis  regula  vel  tantillum  deflectere:  quum  veteribus  patribus  a  recta  via  deflectentibus  Deum  minime  pepercisse  conspiciamus.  Quod  vero  dicitur  expresse  Deus  Annae  vulvam  occlusisse,  eo  docemur  nonnunquam  Deum  suorum  patientiam  explorare.  Verisimile  est  Elcanam  alteram  uxorem  duxisse  propter  Annae  sterilitatem.  At  nequaquam  conveniebat  istud  remedium.  Nota  enim  passim  in  lege  sparsa  doctrina,  fertilitatem  esse  Dei  donum,  quum  vel  ipsas  bestias  foecundare  dicatur:  et  neque  vacca,  neque  iumentum  concipiant,  quin  ad  Deum  sit  nobis  assurgendum.  Quare  si  vel  ipsas  bestias  foecundat,  quid  de  hominibus  longe  excellentioribus  atque  dignioribus  sentiendum  est?  Annon  ergo  quo  digniores  et  excellentiores  sumus,  ut  qui  filii  etiam  dicamur,  eo  nos  maior  etiam  honestas  decet?  Quamobrem  Elcanam  ad  Deum  unum  veluti  patrem  confugere,  doctrinam  illam  secum  diligentius  meditantem  oportuit.  Hoc  ab  Isaaco,  licet  nondum  lata  lege,  factum  tamen  videmus:  ad  Deum,  quum  Rebeccae  uxoris  vulvam  occlusam  ab  ipso  animadverteret,  precibus  confugiente  et  prolem  impetrante.  Non  aliter  Iacobus  Rachelem  tanquam  in  Deum  blasphemam  increpat,  quum  sibi  ab  illo  dari  liberos  postularet:  Quid,  inquit,  putas  me  esse  loco  Dei?  An  generandi  vis  inest  hominibus,  nisi  desuper  concedatur?  Itaque  notandum  est,  nullas  in  nobis  esse  natura  vires  ad  generandum,  nisi  Deus  pro  sua  liberalitate  emini  benedicat,  ut  prolis  multitudinem  uni  illi  acceptam  feramus,  quum  vel  scintilla  benedictionis  ipsius  precibus  impetratae  longe  sit  omnibus  humanis  viribus  superior.  Admirandum  sane  Domini  opus.  Quare  graviter  bac  in  parte  peccatum  ab  Elcana,  quod  ad  Deum  pro  uxoris  foecunditate  supplex  confugere  neglexerit.  Graviter  etiam  a  Peninna,  non  agnoscente  Deum  in  foecunditate  illa:  Annam  ad  modestiam  exercere,  et  fortasse  sic  amorem,  alioquin  immodicum  in  marito  futurum,  temperare.  En  quibus  modis  saepe  quos  Deus  diligit  coerceat,  et  veluti  subactos  a  vitiis,  quibus  alioquin  nimis  indulgerent,  avertat.  Quare  iudiciorum  Dei  haec  observanda  ratio:  qui,  ne  om-