15:260  qui  in  iis  quaedam  contra  Lutherum  dicta  notarunt.  Ipse  omnibus  votis  maius  concordiae  studium  inter  eos  tandem  aliquando  praevalere  exoptat,  qui  alioqui  fere  in  omnibus  consentiunt.  (Ex  Cod.  Genev.  112,  fol.  8,  cum  subscr,  autogr.)  Clarissimo  ac  doctissimo  viro  Domino  Ioanni  Calvino  Genevae  evangelium  Christi  docenti,  amico  suo  observandissimo.  S.  D.  Vir  clarissime  ac  doctissimo  Non  falleris  quod  tuis  amantissimis  ad  me  datis  literis  l)  significas,  te  signa  quaedam  amoris  erga  te  mei,  notasque  animadvertisse,  ab  eo  tempore  quo  primum  in  mei  notitiam  perveneris.  Nam  vere  adfirmare  possum,  me  propter  excellentem  tuam  doctrinam,  pietatem  et  sinceritatem,  ex  animo  te  complexum  esse,  ex  quo  tecum  in  conventu  Wormatiensi  annis  abhinc  paene  quindecim,  amicitiam  contraxi,  ac  illud  meum  erga  te  studium,  amorem  et  benevolentiam  in  hunc  usque  diem  me  conservasse.  Nec  quidquam  vel  tempora,  vel  controversiarum  disceptationem  immutasse  tibi  persuadeas,  licet  ipse  in  quodam  praecipuo  articulo  cum  ecclesiis  nostris  a  te  dissentiam.  Eaque  de  causa  saepius  inter  te  et  nostros  sinceram  et  piam  concordiam  optavi,  quae  quantum  boni  allatura  esset,  nihil  attinet  nunc  recensere,  quum  ipse  pro  tua  prudentia  ac  pietate  haec  omnia  haud  dubie  rectius  intelligas  ac  perpendas.  Ac  te  ad  hanc  plurimum  inclinare  ex  tabellario  tuo  cum  summa  voluptate  accepi.  Quam  quidem  concordiam  ut  Deus  aeternus,  pater  Domini  nostri  Iesu  Christi,  aliquando  largiatur  ex  animo  opto  et  precor.  Porro  autem  quod  in  tuis  literis  tam  amanter  de  me  sentis,  tibi  et  ago  et  habeo  gratias  maximas,  ac  vicissim  mea  officia  tibi  nunquam  defutura  esse  polliceor  ac  recipio.  Quod  vero  ad  Commentarios  tuos  in  Genesim  scriptos  adtinet,  tria  compacta  exemplaria,  quae  bibliopola  tuus  mihi  reddidit,  illustrissimis  principibus  meis,  ut  petiisti,  obtuli,  quartum  vero  exemplar  non  compactum  ego  retinui,  quod  tamen  nondum  legi.  Nam  statim  compingendum  tradidi.  Et  principes  quidem  suis  quibusdam  theologis  interim  dum  librarius  vester  in  nondinis  *  Lipsiensibus  hinc  abfuit,  legendos  eos  commentarios  praebuerunt.  Qui  aiunt  te  tuam  opinionem  diversam  a  sententia  ecclesiarum  nostrarum  de  coena  Domini  alicubi  adspersisse,  et  summi  viri  Lutheri,  piae  memoriae,  versionem  et  interpretationem  in  eosdem  Mosis  libros  editam  variis  in  locis  odiose  perstringere  et  insectari.2)  Quod  quidem,  si  ita  est,  multis  de  2025.1)  deperditis.  De  ipso  Burghardo  vide  ad  N.  1991.  2)  Odiose  quidem  Noster  Lutherum  nusquam  perstrinxi,  verum  isti  ne  in  minimis  quidem  ut  aliquis  Megalandro  suo  contradiceret  ferre  poterant