8:26  omnes  deleantur.  Filii  tandem  possessionem  adeunt,  sed  cuius  [pag.  28]  nulla  est  sex  fere  saeculis1)  stabilitas:  quia  ipsi  perfida  sua  levitate  identidem  eam  turbant  Saepius  tamen  eos  Dominus  in  tolerabilem  formam  restituit.  Atqui  nec  primae  liberationis  memoria,  nec  repetitae  toties  ferulae  ad  eos  castigandos,  nec  praesens  poenarum  sensus,  nec  data  saepius  venia  retinere  ipsos  potest,  quin  Dei  iugum  excutiendo,  nova  mala  sibi  accersant.  Praedixerat  hoc  Moises  futurum,  ut  pingues  et  bene  saginati  recalcitrarent  (Deut.  32,  15):  sed  res  ipsa  longe  superat.  Quid  Iudicum  historia  praeter  continuas  defectiones  recenset?  Itaque,  si  quos  offendunt  variae  agitationes,  quibus  obnoxiam  esse  in  mundo  ecclesiam  vident,  coniiciant  oculos  in  illud  speculum,  et  mirari  desinent,  minus  fixam  habere  in  terra  sedem,  qui  tanta  fidei  inconstantia  coram  Deo  fluctuantur.  Erecto  Davidis  regno  certior  videbatur  ratio  solidi  et  diuturni  status  composita.  Sed  luctuosa  illa  pestilentiae  clades,  quae  triduo  prodigiosum  in  modum  per  mundum  grassata  est,  multum  ex  felicitate  minuit.  Statim  a  morte  Salomonis  corpus  ipsum  populi  scinditur:  nec  postea  desinunt  lacera  membra  invicem  se  mordere:  externis  etiam  bellis  utrumque  regnum  misere  fatigatur.  Dicemusne  fato  suo  urgeri?  quin  potius  ipsi  Dei  nn  dictam  peccatis  suis  urgent,  atque  accelerant.  Nam  in  quo  maxime  videntur  innoxii,  dum  censum  peragit  David,  quod  privatum  illud  unius  hominis  delictum  esset:  sacra  tamen  historia  pronunciat,  Deum  in  ipsos  omnes  excanduisse  (2  Sam.  24,  1).  Sequuta  est  tandem  maior  illa  et  parum  ab  extremo  interitu  distans  conversio,  quum  in  exsilium  babylonicum  tota  gens  abducta  est.  At  certe,  nisi  eos  praecipites  desperata  obstinatio  egisset,  nunquam  huc  venissent  calamitatis.  Reditus  post  annos  septuaginta,  illis  est  velut  altera  nativitas.  Verum  simul  ac  domum  reversi  sunt,  [pag.  29]  tanti  beneficii  immemores  iterum  in  varias  corruptelas  degenerant.  Alii  se  profanis  coniugiis  polluunt.  Alii  decimis  ac  primitiis  Deum  plus  quam  indigne  fraudant.  Alii  posthabita  neglectaque  templi  structura  in  ornandis  palatiis  toti  occupantur  immanesque  sumptus  faciunt.  Foeda  haec  nimium  ingratitudo,  et  quam  non  debuisse  inultam  manere  nemo  non  fatebitur.  Itaque,  quod  tranquillis  secundisque  rebus  diu  non  fruuntur,  id  eorum  vitio  imputandum  est.  Ex  quo  vero  Christus,  pacis  ac  bonorum  omnium  autor,  mundo  innotuit,  vere  experti  essent  homines  quam  certa  sit  ac  bene  fundata  aeterni  eius  regni  felicitas,  si  ipsum  passi  fuissent  inter  se  1)  sex  fere  saeculis:  sic  omnino  scribendum  cum  Beza  et  Am  st.  Princeps  et  1551  nescio  quid  sibi  volentes:  sexcentis  fere  saeculis  habent.  Gallus  ad  commutationem  vulgarem  propius  accedens  dat:  quatre  cens  ans.