7:26  autem  Christus  nobis  sit  propositus  mediator  unus,  per  quem  ad  Deum  debeamus  accedere:  qui  illo  praeterito,  vel  posthabito,  ad  sanctos  se  conferunt,  nihil  habent,  quo  suam  pravitatem  excusent.  Salomon  in  solenni  templi  dedicatione,  hunc  usum  exprimebat:  Hic  invocabitur  nomen  tuum  Domine  (1  Reg.  8,  29).  Extra  templum,  dicunt  omnes  fideles:  Hi  in  curribus,  alii  in  equis:  nos  autem  in  nomine  Domini  invocabimus  (Psal.  20,  8).  ARTICULUS  XVI.  De  adoratione  crucis  et  imaginum.  Nec  ullo  modo  addubitandum  est,  quin  genu  flectere  coram  imagine  crucifixi  et  beatae  Mariae  et  sanctorum  ad  rogandum  Christum  et  sanctos,  opus  sit  pium  ac  bonum.  Quod  crucifixi  et  sanctorum  imagines  genu  flexione  coli  debeant,  probatur  autoritate  concilii  Niceni  ultimi.  Nam  utcunque  Gregorius  concedat,  Serenum  Massiliae  episcopum  bene  fecisse,  quod  illas  adorari  prohibuerat:  tamen  concilium  quod  postea  subsequutum  est,  potuit  hoc  infringere:  sicut  decreta  posteriora  derogant  prioribus.  Probatur  secundo,  ratione  :  Quia  si  reliquiae  et  vestes  1)  coluntur  in  eorum  memoriam,  non  est  minor  ratio  de  imaginibus.  Antecedens  patet  ex  communi  usu.2)  Tertio  probatur  a  simili:  Quia  statuas  principum,  etiam  ethnicorum,  veneratur  populus.  Quarto,  probatur  ex  miraculis.  Quia  multae  sanctorum  imagines  riserunt,  vel  fleverunt  ad  devotionem  precantium.  Aliquae  etiam  loquutae  sunt.  Quinto,  probatur  ab  experientia  sensus  nostri.  Quia  orantes  ante  imaginem  magis  ad  devotionem  accendimur,  et  zelus  noster  excitatur  ipso  aspectu.  Sexto  probatur,  quia  sic  oportuit  corrigi  errorem  gentilium,  qui  ante  sua  idola  genu  flectebant,  sicut  nunc  facimus  ante  sanctorum  imagines.  ANTIDOTUM.  De  imaginibus  ac  simulacris  praeceptum  Dei  est:  Non  adorabis,  neque  coles  (Exod.  20,  5;  Deut.  5,  9).  Porro  genu  flectere,  hoc  ipsum  est,  quod  adorandi  verbo  indicatur.  Atque  hanc  fuisse  gentilium  opinionem,  ut  deos  coelestes  precarentur,  quum  se  ad  imagines  converterent,  ex  libris  eorum  1)  on  adore  de  dulie  leurs  reliques  et  ossemens,  leurs  robbes,  leurs  chausseures  et  leurs  souliers  .  .  .  .  2)  Additur:  Et  mesmes  il  y  en  a  bien  qui  tiennent  que  quand  il  y  auroit  un  retrait  [≪.  e.  latrina]  de  quelque  sainct,  il  le  faudroit  honorer,  tant  pource  que  sa  chair  y  auroit  touche  a  nud,  que  pour  la  matiere  qui  seroit  sortie  de  son  corps.