58:26  26  promesse,  qui  luy  avoit  este  faite,  que  sa  semence  devoit  estre  multipliee  comme  les  estoilles  du  ciel,  et  le  gravier  de  la  mer:  et  cependant  il  ne  trouve  femme:  car  il  n'en  ose  pas  prendre  au  pays.  Et  il  semble  que  Dieu  luy  monstre  qu'il  le  veut  la  tenir  sterile  iusques  en  la  fin.  Mais  encore,  quand  il  est  marie,  il  semble  bien  que  pour  le  moins  alors  Dieu  le  deust  benir,  et  qu'il  le  deust  croistre  et  augmenter  en  lignage.  Or  sa  femme  est  sterile,  voire  par  l'espace  de  vingt  ans  Si  une  telle  tentation  avenoit  a  quelcun  de  nous,  il  est  certain  que  le  plus  habile  seroit  bien  empesche  d'y  resister  un  iour.  Nous  passons  de  leger  ce  qui  est  ici  recite  par  Moyse,  et  pourquoy?  C'est  d'aurant  que  nous  ne  sommes  point  exercez  en  beaucoup  de  combats,  et  mesme  que  nous  les  fuions,  et  aussi  Dieu  nous  espargne,  a  cause  de  nostre  infirmite  et  rudesse.  Mais  tant  y  a  que  par  faute  d'avoir  fait  nostre  profit  de  tels  exemples  quand  ce  vient  a  quelque  entree  ou  a  quelque  examen  de  nostre  foy,  nous  sommes  tous  esperdus.  Et  pourquoy?  Car  en  temps  et  lieu  nous  ne  nous  sommes  pas  munis  comme  il  estoit  de  besoin.  Or  il  est  ici  dit,  que  par  l'espace  de  vingt  ans  il  a  semble  qu'Isaac  fust  maudit  de  Dieu,  et  qu'il  fust  comme  un  tronc  seche,  et  qu'il  n'y  eust  point  d'esperance  d'avoir  lignee  vingt  ans  durant.  Car  il  n'est  pas  question  ici  seulement  d'avoir  des  enfans:  comme  quand  les  hommes  et  les  femmes  se  marient:  ils  seront  bien  aises  d'avoir  lignee:  car  aussi  c'est  un  tesmoignage  de  la  grace  de  Dieu.  Mais  il  y  a  une  raison  speciale  en  Isaac:  car  il  n'attend  pas  seulement  des  peuples  qui  descendent  de  luy,  mais  il  attend  le  salut  du  monde.  Voila  Iesus  Christ  qui  est  comme  en  ses  reins,  ainsi  que  l'Apostre  en  parle  :  car  il  use  de  ceste  facon-la  :  Isaac  se  voyoit  estre  sterile,  et  toutesfois  il  n'avoit  point  d'autre  esperance  d'estre  sauve.  Il  est  comme  au  bort  d'enfer,  sinon  qu'il  ait  lignee:  et  cependant,  Dieu  qui  lui  en  avoit  promis  en  la  personne  de  son  pere,  se  moque  en  apparence,  et  le  laisse  la,  et  faut  qu'il  languisse:  et  que  toutes  fois  et  quantes  qu'il  regarde  sa  femme,  qu'il  pense,  Voila  un  miroir  auquel  ie  voy  que  Dieu  nous  a  reiettez,  et  qu'il  ne  tient  conte  de  nous,  et  qu'il  nous  a  tourne  le  dos,  que  sa  promesse  est  frustratoire,  qu'elle  n'a  nul  effet  ne  vertu  envers  nous.  Voila  di-ie  comment  Isaac  avoit  iournellement  a  soustenir  de  tels  combats:  et  nous  devrions  bien  penser  a  toutes  ces  choses  (comme  i'ay  dit):  mais  d'autant  que  nous  ne  regardons  point  a  quel  propos  le  saint  Esprit  nous  parle  d'Isaac,  et  que  nous  ne  savons  appliquer  a  nostre  instruction  ce  qui  nous  est  recite  de  lui:  voila  pourquoy  il  ne  faut  rien  pour  nous  faire  perdre  courage  :  quand  il  y  a  seulement  une  bouffee  de  vent,  nous  voila  abatus.  Et  pourquoy  ?  Car  nous  devions  avoir  pense,  Or  ca,  comment  est-ce  qu'Isaac  a  eu  une