54:26  le  monde  fut  restaurre  apres  le  deluge.  Auparavant  le  nom  de  Dieu  estoit-il  invoque  par  tout?  Nenni:  mais  il  est  dit  que  la  lignee  de  Seth  estoit  celle  ou  Dieu  estoit  servi:  et  c'est  comme  un  miracle,  quand  la  purete  du  service  de  Dieu  n'est  trouvee  qu'en  une  si  petite  poignee  de  geng.  Ainsi  donc  l'anciennete  ne  suffira  point  pour  approuver  une  religion,  ce  seroit  une  bestise  trop  lourde  :  car  par  ce  moyen  il  n'y  auroit  religion  plus  certaine  que  toutes  celles  qui  sont  meschante��,  et  que  Dieu  a  en  detestation.  Mais  sainct  Paul  presuppose  ce  que  nous  avons  desia  dit,  c'est  ascavoir  qu'il  estoit  descendu  de  la  race  d'Abraham,  et  que  le  Dieu  qui  estoit  la  adore,  n'estoit  pas  une  idole,  mais  que  c'estoit  le  Createur  du  ciel  et  de  la  terre,  celuy  auquel  il  nous  faut  venir  pour  avoir  salut,  celuy  qui  est  vrayement  nostre  Pere.  Et  voila  pourquoy  aussi  nostre  Seigneur  Iesus  discerne  entre  les  Iuifs  et  les  autres  nations,  Vous  ne  scavez  que  vous  adorez.  Il  est  vray  qu'il  parle  a  la  Samaritaine:  mais  ce  peuple-la  avoit  encores  plus  d'affinite  avec  les  Iuifs,  que  tout  le  reste  du  monde.  Car  les  Samaritains  estoyent  circoncis,  et  se  vantoyent  d'adorer  le  Dieu  d'Abraham  :  ils  faisoyent  les  sacrifices  a  la  facon  des  Iuifs:  mais  cependant  si  est-ce  qu'ils  n'estoyent  point  advouez  par  la  Loy,  mesmes  qu'ils  avoyent  une  religion  bastarde,  Iesus  Christ  prononce  qu'ils  ne  scavent  ce  qu'ils  font,  que  c'est  peine  perdue,  Vous  mettez  beaucoup  de  peine  a  servir  Dieu,  mais  il  reiette  tout  cela,  car  vous  ne  scavez  que  vous  adorez,  il  n'y  a  point  de  certitude.  Or  a  l'opposite,  il  dit,  Nous  scavons  ce  que  nous  adorons.  Il  parle  la  des  Iuifs,  qu'ils  cognoissoyent  qu'ils  adoroyent  le  vray  Dieu.  Et  pourquoy?  Car  ils  en  avoyent  un  tesmoignage  infallible  par  la  Loy,  qui  estoit  bien  confermee  par  l'alliance  qui  avoit  este  faite  encore  plus  anciennement  en  la  main  d'Abraham.  Notons  bien  donc  que  sainct  Paul  ne  parle  point  ici  sans  exception  de  tous  Peres  et  ancestres,  mais  de  ceux  qui  sont  fondez  en  la  verite  de  Dieu,  et  qui  ont  este  enseignez  par  luy.  Et  ainsi  que  nous  soyons  admonestez  d'avoir  prudence  et  discretion,  quand  il  est  question  de  dire,  Nos  Peres,  Nos  Peres:  que  nous  n'y  allions  point  a  la  volee.  Car  autrement  nous  serons  semblables  aux  Turcs  et  aux  Payens:  et  quand  nous  aurons  gagne  nostre  cause  devant  les  hommes,  qu'aurons-nous  profite?  Que  faut-il  donc?  Que  nous  puissions  choisir  les  Peres  qui  sont  vrayement  enfans  de  Dieu,  afin  qu'il  y  ait  un  lignage  legitime.  Ie  parle  maintenant  du  lignage  spirituel:  et  ainsi  que  nos  Peres  soyent  enfans  de  Dieu  (comme  i'ay  desia  dit),  afin  que  le  tout  se  rapporte  a  luy.  Or  nous  aurons  cela  quand  nous  suivrons  la  pure  simplicite  de  l'Evangile  et  de  l'Escriture  saincte,  et  que  nous  chercherons  le  Dieu  qui  s'est  la  manifeste,  alors