53:26  tesmoignage  en  l'Escriture  saincte.  Par  cela  donc  nous  voyons  que  ce  n'est  point  sans  cause  que  sainct  Paul  a  ici  condamne  toutes  choses  qui  ne  nous  peuvent  edifier,  comme  sont  toutes  ces  curiositez  frivoles  desquelles  nous  ne  recevons  aucune  fermete  de  foy,  mais  plustost  c'est  pour  nous  faire  voltiger  en  l'air,  quand  nous  aurons  les  aureilles  batues  de  ce  qui  a  este  controuve  par  les  hommes��  Que  sera-ce?  aurons  nous  quelque  fondement  pour  nous  appuyer?  Nenni:  mais  plustost  nous  serons  esbranlez  et  agitez  en  sorte  que  nous  ne  tiendrons  plus  ne  chemin  ne  sentier:  nous  ne  scaurons  que  c'est  de  salut,  de  foy,  ne  d'esperance:  brief  Dieu  nous  sera  estrange  et  incognu,  tellement  que  nous  n'entendrons  point,  ne  gens  lettrez,  ne  gens  idiots.  Apprenons  pourtant  sur  cela  de  congnoistre  et  discerner  quelle  est  la  facon  de  bien  enseigner  que  Dieu  approuve,  c'est  suyvant  ce  que  sainct  Paul  declaire  ici,  que  nous  soyons  edifiez  en  Dieu,  voire  par  foy.  En  premier  lieu  sainct  Paul  dit,  Qu'il  nous  faut  estre  edifiez  en  Dieu.  Ce  mot  d'edifier;  est  assez  commun  en  l'Escriture  saincte,  mais  il  n'est  pas  entendu  de  tous.  Pour  le  bien  entendre,  notons  que  c'est  une  similitude  qui  nous  est  donnee,  d'autant  qu'il  faut  que  nous  soyons  temples  de  Dieu,  pource  qu'il  veut  habiter  en  nous.  Ceux  qui  profitent  en  bien,  c'est  a  dire  en  la  foy,  en  crainte  de  Dieu,  en  sainctete  de  vie,  il  est  dit  qu'ils  sont  edifiez,  c'est  a  dire  que  Dieu  les  bastit  pour  estre  ses  temples,  et  qu'il  veut  habiter  en  eux,  et  aussi  que  nous  facions  tous  ensemble  un  temple  de  Dieu  :  car  chacun  de  nous  en  est  comme  une  pierre.  Quand  donc  nous  serons  bien  enseignez  chacun  en  son  endroit,  et  qu'aussi  nous  serons  tous  unis  ensemble  en  droite  fraternite:  voila  comme  nous  serons  edifiez  en  Dieu.  Il  est  vray  que  les  hommes  pourront  aucunesfois  estre  edifiez  en  orgueil:  comme  nous  voyons  que  ceux  qui  se  plaisent  en  leurs  vaines  fantasies,  et  qui  estendent  leurs  ailes,  et  s'enflent  comme  des  crapaux,  pensent  estre  bien  edifiez.  Las  que  c'est  un  povre  edifice  que  celuy-la!  Mais  sainct  Paul  notamment  dit  ici,  qu'il  nous  faut  estre  edifiez  selon  Dieu.  En  quoy  il  monstre  que  quand  nous  serons  enseignez  a  servir  a  Dieu,  a  l'adorer  purement,  a  mettre  nostre  fiance  en  luy,  que  c'est  l'edification  qu'il  nous  faut  suivre:  et  toute  doctrine  qui  tend  a  ceste  fin-la,  et  y  est  confermee,  est  bonne  et  saincte,  et  faut  qu'on  la  recoive:  mais  tout  ce  qui  va  au  rebours,  il  faut  qu'on  le  reiette  sans  plus  longue  dispute:  il  n'est  point  question  de  s'en  enquerir  d'avantage.  Et  pourquoy  est-ce  que  on  reiette  ceci  et  cela?  Pource  qu'il  ne  sert  point  a  l'edification  de  Dieu.  Car  Dieu  ne  nous  veut  point  amuser  comme  petis  enfans  a  des  hochete,  ou  a  des  badinages,  comme  des  ioueurs  de  farce,  mais  il  veut  que  nous  recevions  un  tel  profit  26