51:26  tant  y  a  qu'ils  veulent  tousiours  pactionner  avee  Dieu  qu'il  les  laisse  tels  qu'ils  sont  sans  rien^y  changer.  Comme  un  malade,  il  est  vray  que  si  le  mal  le  presse,  il  dira,  O  ie  voudroy  e  bien  estre  gueri:  mais  il  ne  sera  pas  question  de  recevoir  le  conseil  du  medecin  pour  s'y  renger,  et  pour  faire  d  i  et  te.  Le  imedecin  donnera  assez  de  conseil,  il  aura  les  aides  en  main  pour  guerir  le  malade,  cependant  il  s'excuse  ra  pour  dire,  O  voila,  ie  ne  puis  gagner  cela  sur  mes  appetis.  Si  lin  malade  veut  boire,  et  qu'au  lieu  du  chaut,  il  vueille  du  froid,  et  qu'il  soit  si  addonne  a  son  intemperance  qu'on  ne  le  puisse  tenir  en  bride,  s'il  reiette  tout  ce  qu'on  luy  baillera  pour  sa  sante,  et  qu'il  soit  la  comme  un  enrage,  il  aura  beau  protester  qu'il  veut  estre  gueri:  mais  on  void  tout  l'opposite.  Ainsi  donc  en  est-il  de  ceux  qui  ont  recours,  a  Dieu  pour  le  prier  que  par  son  sainct  Esprit  il  les  gouverne  tellement  qu'ils  soyent  changez,  qu'ils  oublient  leurs  affections,  et  qu'il  les  mettent  sous  le  pied,  et  cependant  qu'ils  y  veulent  tousiours  demourer  et  cropir.  Voila  en  somme  ce  que  nous  avons  a  retenir.  Or  il  est  vray  encores  que  nous  prions  Dieu  songneusement,  et  qu'un  chacun  de  nous  s'esvertue  pour  domter  ses  affections  mauvaises,  que  nous  ne  laisserons  pas  d'avoir  tousiours  des  infirmitez,  quoy  qu'il  en  soit.  Ie  ne  parle  point  des  hypocrites,  ie  parle  des  vrais  enfans  de  Dieu.  Car  ceux  qui  ont  le  plus  profite  en  toute  perfection,  encores  vont-ils  a  Dieu  comme  en  clochant,  et  ne  font  pas  ce  qu'ils  desirent,  ainsi  que  sainct  Paul  adioustera  tantost,  et  qu'il  le  declare  plus  au  long  au  septieme  chapitre  des  Romains.  Mais  tant  y  a  que  les  sideles  apres  avoir  senti  leur  mal,  cerchent  le  remede  en  Dieu,  et  a  bon  escient,  sans  feintise,  ils  sentent  son  secours  pour  surmonter  ieurs  mescbantes  affections.  Suyvant  cela  sainct  Paul  dit,  Vous  ne  parferez  point  les  cupiditez  de  la  chair.  Il  ne  dit  pas  que  iusques  a  la  fin  de  nostre  vie  nous  ne  soyons  tentez  de  Satan  a  mal  faire,  et  que  nous  n'ayons  des  piqueures  beaucoup,  car  nostre  chair  aura  tousiours  ses  aiguillons  pour  nous  pousser  a  mal.  Nous  serons  donc  tentez  de  tous  vices:  mais  tant  y  a  que  nous  y  resisterons  par  la  grace  de  Dieu.  Et  ceci  non  sans  cause  est  adiouste:  car  si  nous  n'avions  ce  tesmoignage  que  Dieu  accepte  nostre  service,  encores  qu'il  y  ait  a  redire  et  qu'il  nous  voye  debiles,  et  que  nous  ne  courions  pas  d'un  tel  courage  comme  il  seroit  requis,  chacun  de  nous  seroit  comme  abbatu,  et  tomberions  en  la  fin  en  desespoir  comme  il  en  advient  a  aucuns  quand  ils  ont  examine  leur  vie,  et  qu'ils  se  trouvent  tant  imparfaits  et  eslongnez  encores  de  Dieu,  il  leur  semble  qu'ils  n'ont  rien  profite,  et  la  dessus  ils  se  despitent  et  deviennent  comme  phrenetiques.  Or