49:26  tatem  tam  crasse  imaginantur  ut  simulacrum  illi  adaptare  ausint.  Atqui  talis  audaciae  scelere  nemo  eximi  potest:  non  sacerdotes,  nec  legistatores  :  non  philosophi,  quorum  maxime  sobrius  Plato  formam  ipse  quoque  in  Deo  vestigat.  Haec  igitur  insania  notatur,  quod  omnes  sibi  Deum  voluerunt  figurare:  quod  certo  arguit  crassas  ac  stultas  eorum  de  Deo  phantasias.  Ac  primum  Dei  maiestatem  conspurcarunt  similitudine  hominis  corruptibilis.  Sic  enim  vertere  malui  quam  cum  Erasmo  m  o  r  t  a  l  i  s  :  quia  non  solam  Dei  immortalitatem  hominis  mortalitati  opponit  Paulus:  sed  gloriam  illam  nullis  vitiis  obnoxiam  miserrimae  hominis  conditioni.  Deinde  non  contenti  tanto-  flagitio,  usque  ad  belluas,  et  eas  quidem  in  suo  genere  foedissimas,  descenderunt.  Ubi  clarius  etiamnum  deprehenditur  eorum  stupor.  De  his  abominationibus  habes  apud  Lactantium,  Eusebium,  Augustinum  in  lib.  de  Civitate  Dei.  24.  Propterea  tradidit  illos  Deus  in  cupiditates  cordium  suorum  in  immunditiem:  ut  ignominia  afficerent  corpora  sua  in  se  ipsis.  25.  Qui  transmutarunt  veritatem  eius  in  mendacium:  et  coluerunt  ac  venerati  sunt  creaturam  supra  creatorem:  qui  est  benedictus  in  saecula,  amen.  26.  Propterea}  inquam,  tradidit  illos  Deus  in  passiones  ignominiosas  :  et  enim  feminae  ipsorum  transmutarunt  naturalem  usum  in  eum,  qui  est  praeter  naturam:  27.  similiter  et  viri  quoque,  omisso  naturali  usu  feminae,  exarserunt  mutua  libidine,  alii  in  alios:  masculi  in  masculis  foeditatem  perpetrantes,  et  quam  decebat  erroris  sui  mercedem  in  se  ipsis  recipientes.  28.  Et  quemadmodum  non  probaverunt  Deum  habere  in  notitia:  tradidit  illos  Deus  in  reprobam  mentem,  ad  facienda  quae  non  decerent:  29.  ut  essent  pleni  omni  iniustitia,  nequitias  libidine,  avaritia,  malitia,  referti  invidia,  homicidio,  contentione^  dolo,  perversitate,  susurrones,  30.  obtrectatores,  osores  Dei,  malefici,  contumeliosi,  fastuosi,  repertores  malorum,  parentibus  immorigeri,  31.  intelligentiae  expertes,  insociabiles,  affectu  humanitatis  carentes,  foedifragi,  sine  misericordiae  sensu.  32.  Qui  quum  Dei  iudicium  cognoverint,  quod  qui  talia  agunt,  digni  sunt  morte:  non  tantum  ea  faciunt,  sed  assentiuntur  facientibus.  24.  Propterea  tradidit.  Quia  clandestinum  est  malum  impietas,  ne  adhuc  tergiversentur,  ostendit  crassiori  demonstratione  illos  non  posse  elabi  quin  iusta  damnatione  teneantur:  siquidem  illam  impietatem  sequuti  sunt  fructus,  unde  licet  colligere  manifesta  irae  Domini  indicia.  Quod  si  iusta  est  semper  ira  Domini,  sequitur  praecessisse  quod  illos  redderet  damnabiles.  A  signis  ergo  nunc  urget  hominum  apostasiam  et  defectionem:  siquidem  ita  ulciscitur  Dominus  eos,  qui  se  ab  ipsius  bonitate  alienarunt,  ut  in  multiplicem  perditionem1)  ac  rmnam  *)  confusionem