46:26  qu'il  nous  exaucee  au  nom  de  nostre  Seigneur  Iesus  Christ.  Que  donc  nos  prieres  demeurent  vrayement  sainctes,  puis  que  Dieu  les  a  dediees  ainsi  a  son  honneur,  et  qu'il  declare  qu'il  y  prend  plaisir.  Et  gardons-nous  de  ravir  a  Dieu  ce  qui  luy  appartient:  comme  nous  voyons  que  ces  miserables  Papistes  pour  faire  service  a  leurs  idoles,  il  n'y  a  ne  sainct,  ne  saincte,  qui  ne  soit  invoque  entr'eux:  et  d'avoir  leur  recours  a  Dieu  par  le  moyen  qu'il  a  ordonne,  il  n'en  est  point  de  nouvelles:  mais  il  semble  au  contraire,  qu'ils  ayent  complote  avec  Satan,  pour  deschirer  la  maieste  de  Dieu  par  pieces,  quand  ils  ont  ainsi  abuse  de  l'oraison,  qui  est  le  principal  de  son  service.  Que  donc  cela  demeure  special  a  Dieu,  c'est  que  nous  ayons  nostre  refuge  a.  luy  seul,  et  que  nous  l'y  ayons  par  tel  moyen  qu'il  nous  monstre,  et  comme  il  nous  est  souvent  declare.  Or  nous  nous  prosternerons  devant  la  maieste  de  nostre  bon  Dieu  etc.  TROISIEME  SERMON.  LUC.  Ch.  I.  l  l  .  A  donc  V  Ange  du  Seigneur  s'apparut  a  luy  du  coste  dextre  de  V  autel  de  V  encensemens.  12.  Et  Zacharie  fut  trouble  quand  il  le  veit,  et  crainte  le  saisit.  13.  Alors  V  Ange  luy  dict.  Zacharie,  ne  crain  point:  car  ta  priere  est  exaucee,  et  ta  femme  Elisabeth  ^enfantera  un  fils,  et  tu  appelleras  son  nom  Iean.  14.  Et  en  auras  ioye  et  liesse,  et  plusieurs  s'esiouir  ont  de  sa  nativite*  15.  Gar  il  sera  grand  devant  le  Seigneur,  et  ne  boira  ne  vin  ne  cervoise:  et  sera  rempli  du  sainct  Esprit  desia  des  le  ventre  de  sa  mere.  Il  n'y  a  rien  qui  doyve  ou  puisse  esiouir  plus  les  fideles,  que  quand  ils  sentent  que  Dieu  leur  est  prochain  et  present.  Car  sans  cela  aussi  nous  sommes  plus  que  miserables.  Si  Dieu  destourne  sa  face  de  nous,  et  qu'il  ne  daigne  pas  en  avoir  le  soin,  que  nous  reste-il?  Mais  a  l'opposite,  quand  Dieu  use  d'une  telle  humanite,  qu'il  s'approche  de  nous,  combien  que  nous  soyons  povres  vers  de  terre,  et  nous  fait  sentir  que  iamais  il  ne  s'en  veut  eslongner,  voyla  en  quoy  gist  toute  nostre  felicite  et  repos.  Ainsi,  quand  nous  avons  quelque  signe  de  la  presence  de  Dieu,  c'est  une  bonne  occasion  de  nous  esiouir.  Mais  tant  y  a  que  d'autre  coste,  si  faut-il  que  nous  soyons  effrayez,  quand  Dieu  se  monstre  et  se  declare  ainsi  a  nous.  Et  ce  pour  double  raison:  L'une,  afin  que  nous  ayons  une  vive  apprehension  de  sa  maieste,  pour  estre  mieux  asseurez  qu'il  n'y  a  point  d'illusion,  ni  de  tromperie:  et  puis  l'autre,  c'est  qu'il  nous  faut  estre  abatus,  pour  rendre  a  Dieu  l'honneur  qu'il  merite.  Car  il  y  a  tousiours  de  l'orgueil  en  nous,  et  faut  qu'il  soit  corrige  par  une  vraye  humilite:  ou  autrement  iamais  Dieu  ne  sera  glorifie  selon  qu'il  en  est  digne.  Et  c'est  pourquoy  l'Escriture  saincte,  toutesfois  et  quantes  qu'elle  recite  que  Dieu  est  apparu  a.  ses  serviteurs,  adiouste  qu'ils  ont  este  effrayez.  Et  comment  cela?  Ce  n'est  pas  que  Dieu  les  voulust  comme  effaroucher,  et  les  chasser  loin:  mais  il  les  a  voulu  preparer  a  recevoir  une  vraye  ioye,  de  ce  qu'il  leur  estoit  ainsi  familier.  Et  comment?  En  premier  lieu,  il  faloit  qu'ils  cognussent,  et  qu'ils  eussent  aussi  une  pleine  certitude  que  c'estoit  Dieu  qui  se  manifestoit  ainsi.  Car  selon  que  nous  avons  nos  esprits  rudes  et  debiles,  nous  pourrions  tousiours  estre  en  doute  si  c'est  un  songe  ou  resverie,  si  c'est  un  fantosme  ce  que  nostre  Seigneur  se  declare,  ou  bien  si  c'est  une  verite,  a  laquelle  il  nous  faille  tenir.  D'autant  donc  que  nous  sommes  ainsi  suiets  a  douter,  il  faut  que  pour  bien  faire  nostre  proufit  de  ce  que  Dieu  se  declare  a  nous,  il  nous  imprime  des  marques  de  sa  maieste.  Car  il  est