45:26  ex  Dei  reverentia  conceperit.  Turbata  ergo  fuit,  quod  se  non  ab  homine  mortali  salutari,  sed  a  Dei  angelo  sentiret.  Caeterum  non  ita  turbatam  fuisse  dicit  Lucas,  ut  obstupuerit:  quin  potius  exprimit  signum  attentae  mentis  et  bene  compositae,  quum  paulo  post  subiicit,  cogitasse  ipsam  qualis  esset  salutatio:  hoc  est,  quorsum  tenderet,  quidque  sibi  vellet.  Statim  illi  occurrit,  non  fuisse  de  nihilo  missum  angelum.  Monemur  autem  hoc  exemplo,  primum  non  esse  oscitanter  consideranda  Dei  opera:  deinde  ita  a  nobis  expendi  decere,  ut  religio  metusque  praeeat.  30.  Ne  timeas.  Maria.  Quod  timorem  ponere  eam  iubet,  semper  veniat  nobis  in  mentem,  qua��  imbecillitas  est  carnis,  fieri  non  posse  quin  terreamur,  quoties  vel  minima  gloriae  Dei  scintilla  apparet.  Neque  enim,  ubi  serio  Dei  praesentiam  concipimus,  otiosam  imaginari  licet.  Ergo  quum  obnoxii  sint  omnes  eius  iudicio,  ex  metu  trepidatio  oritur,  donec  se  patrem  exhibeat.  Tantam  sancta  virgo  in  gente  sua  cernebat  scelerum  colluviem,  ut  iure  timeret  a  maioribus  vindictis.  Quare  ut  timorem  eximat  angelus,  testem  se  ac  praeconem  incomparabilis  boni  adesse  pronuntiat.  Invenire  gratiam  hebraica  phrasi  posuit  Lucas,  pro  habere  Deum  propitium.  Neque  enim  gratiam  invenire  dicitur,  qui  eam  quaesierit,  sed  cui  ultro  oblata  est.  Exempla  quum  satis  nota  sint,  adducere  supervacuum  foret.  31.  Ecce  concipies  in  utero.  Verba  sua  conformat  angelus  primo  ad  vaticinium  Iesaiae,  deinde  ad  alios  prophetarum  locos,  quo  melius  in  animum  virginis  penetrent:  notae  enim  et  celebres  passim  inter  pios  erant  tales  prophetiae.  Quanquam  simul  notandum  est,  non  privatim  duntaxat  in  aurem  virginis  loquutum  esse  angelum,  sed  evangelium  attulisse,  quod  per  totum  orbem  non  multo  post  vulgandum  erat.  Quare  non  absque  Dei  consilio  factum  est,  quod  tam  diserte  expressus  fuerit  consensus  inter  veteres  prophetias  et  praesentem  de  Christo  manifestando  nuntium.  Concipiendi  verbum  refellendo  tam  Marcionis  quam  Manichaei  delirio  sufficit.  Nam  inde  colligere  promptum  est,  non  aetherium  corpus  vel  spectrum  Mariam  peperisse,  sed  quem  prius  in  utero  conceperat  foetum.  Vocabis  nomen  eius  Iesum.  Nominis  ratio  apud  Matthaeum  redditur  (1,21),  quod  salvum  a  peccatis  faciat  populum.  Ita  in  nomine  salus  promittitur,  et  ostenditur  in  quem  finem  missus  fuerit  Christus  a  patre  in  mundum,  quemadmodum  se  pronuntiat  non  ad  perdendum  venisse,  sed  ut  mundo  salutem  afferat  (Io.  12,  47).  Meminerimus  autem  non  hominum  arbitrio,  sed  Dei  iussu  nomen  hoc  impositum  illi  fuisse  ab  angelo,  ut  fides  nostra  in  coelo,  non  in  terra  fundata  sit.  Deducitur  a  yt��^5  quod  Hebraeis  est  salus,  unde  et  verbum  ]Win,  quod