43:26  cestuosi  concubitus.  Scimus  hoc  portentum  esse  detestabile,  si  rem  habeant  cum  una  muliere  pater  et  filius.  Naturae  enim  sensus  abhorret  a  tali  flagitio.  Atqui  tam  proiecti  erant  in  suas  libidines  Israelitae,  ut  communis  esset  eadem  mulier  patri  et  filio:  quemadmodum  necesse  est  id  contingere,  ubi  homines  nimiam  licentiam  sibi  permittunt.  Scortum  enim  facile  admittet  filium  et  patrem  sine  discrimine,  quia  nullus  est  pudor:  deinde  nullus  timor  Dei  etiam  retinet  mulieres  foedas  et  deditas  turpitudini.  Ergo  hoc  nimis  erit  vulgare  exemplum,  ut  pater  et  filius  sese  commisceant,  atque  ita  polluant  incesto  concubitu.  Sed  tamen  hoc  non  minuit  culpam  coram  Deo,  ubi  homines  excaecati  sua  libidine  nullum  amplius  discrimen  tenent,  sed  absque  ullo  delectu  et  pudore  sequuntur  suam  libidinem.  Hoc  ergo  si  contingat,  certe  apparet  nullum  amplius  vigere  timorem  Dei,  sed  exstinctum  etiam  esse  ipsum  sensum  naturae.  Merito  igitur  propheta  crimen  hoc  in  Israelitis  nunc  damnat,  Quod  pater  et  filius  ingressi  sint  ad  unam  mulierem.  Additur  etiam  amplificatio  criminis,  quod  hoc  modo  polluerint  nomen  sanctum  Dei.  Scimus  enim  ea  lege  fuisse  electum  populum  Israel,  ut  invocaretur  illic  Dei  nomen.  Et  celebris  est  illa  sententia,  quae  toties  repetitur  apud  Mosen,  Sancti  estote,  quia  sanctus  sum.  Non  poterant  igitur  se  inquinare  filii  Israel,  quin  simul  polluerent  nomen  Dei,  quod  erat  illis  insculptum.  Deus  ergo  conqueritur  hic  de  sacrilegio  illo,  quod  scilicet  non  tantum  se  ipsos  contaminaverint  filii  Israel,  sed  etiam  profanaverint  quidquid  sancitum  erat  apud  eos,  quia  scilicet  ludibrio  expositum  fuit  nomen  Dei  quum  populus  ille  ita  fraenum  laxaret  turpitudini  suae.  Nunc  ergo  tenemus  quid  velit  propheta.  Sequitur:  8.  Et  super  vestes  oppignoratas  accubuerunt  prope  omne  altare,  et  vinum  damnatorum  biberunt  in  domo  Dei  sui.  Hic  rursus  invehitur  propheta  in  avaritiam  populi:  praesertim  vero  sermonem  dirigit  contra  ipsos  proceres,  quia  quod  hic  notatur  non  potuit  esse  in  ipso  vulgo.  Neque  enim  poterant  plebeii  homines  et  obscuri  ex  praeda  ista  iudiciaria  epulas  instituere.  Non  dubium  igitur  est  quin  propheta  hanc  luxuriam  una  cum  rapacitate  in  ipsis  proceribus  damnet.  Dicit  accubuisse  super  vestes  oppignoratas  prope  omne  altare.  Deus  vetuerat  lege  sua,  ne  quis  pignus  sumeret  a  paupere,  quo  ipse  opus  haberet  ad  subsidia  vitae  suae  et  quotidianos  usus.  Exempli  gratia,  lege  prohibitum  erat  ne  quis  spoliaret  pauperem  suo  pallio  vel  tunica,  ne  quis  culcitram  acciperet,  vel  tolleret  aliquid  simile,  quo  carere  non  poterat.  Nunc  autem  propheta  accusat  Israelitas,  quod  arripiant  sine  delectu  pignora  et  26