42:26  ietter  sur  les  enfans  de  Dieu,  voila  une  condition  bien  griefve  a  porter,  que  ces  roys  payens  se  mangent  ainsi  l'un  l'autre,  et  cependant  que  le  peuple  de  Dieu  endure  de  tous  costes,  si  le  roy  d'Egypte  avoit  du  meilleur,  et  qu'il  falust  qu'il  passast  par  Iudee,  il  y  avoit  tousiours  quelques  pillages,  si  le  roy  de  Syrie  gaignoit,  il  faisoit  le  semblable,  or  que  pouvoient  dire  les  pauvres  fideles  estans  ainsi  tourmentes?  ce  n'estoit  pas  pour  estimer  que  Dieu  pensast  d'eux,  ne  qu'il  en  eust  le  soing,  mais  plustost  c'estoit  pour  dire,  o  ii  vaudroit  mieux  que  nous  fussions  ou  du  coste  d'Egypte,  ou  du  coste  de  Syrie,  pour  le  moins  quand  l'un  auroit  du  meilleur  nous  serions  maintenus,  mais  cependant  que  nous  sommes  un  peuple  a  part,  nous  sommes  exposes  a  toutes  iniures  et  outrages,  tout  le  monde  se  mocque  de  nous,  et  mesmes  nous  sommes  comme  la  proie  des  meschans  quand  ils  se  veulent  venger  de  leurs  ennemis,  et  qu'ils  n'en  peuvent  venir  a  bout,  ils  se  viennent  ruer  sur  nous,  et  en  portons  les  coups:  voila  donc  pour  faire  decliner  les  fideles  et  leur  faire  quitter  la  religion  pour  s'en  aller  conioindre  ou  d'un  coste  ou  d'autre,  en  s'alienant  de  Dieu  qui  estoit  leur  roy.  Or  Dieu  eust  bien  remedie  s'il  eust  voulu  a  toutes  ces  afflictions  la,  mais  quoy?  il  veut  que  son  peuple  soit  exerce  iusques  au  bout,  et  non  sans  cause,  car  cependant  la  defence  de  l'Eglise  est  d'autant  plus  miraculeuse,  quand  les  afflictions  de  l'Eglise  sont  si  grosses,  et  que  le  pauvre  peuple  est  comme  tout  abisme,  en  cela  on  peut  mieux  voir  la  grace  de  Dieu,  voire  une  grace  admirable  et  inconneue  aux  hommes,  et  puis  il  estoit  besoing  que  les  fideles  fussent  exerces  a  desirer  la  venue  de  nostre  Seigneur  Iesus  Christ,  il  faloit  aussi  que  le  reste  du  peuple  fust  matte,  car  on  voit  les  iniquites  qui  se  commettent  la  en  toutes  sortes,  donc  il  estoit  bon  et  expedient  que  Dieu  exposast  son  Eglise  a  taut  de  miseres,  et  de  calamites,  mais  voici  une  raison  qui  doit  bien  suffire,  quand  l'ange  avoit  declare  a  Daniel  tout  ce  qui  devoit  advenir,  que  cestoit  comme  si  Dieu  les  eust  fait  contempler  de  loing,  les  choses  qui  n'estoient  point  conneues  des  hommes,  comme  s'il  eust  dit,  prepares  vous,  car  ceci  vous  adviendra,  ils  voient  que  ce  n'est  point  a  l'adventure  qu'ils  sont  affliges,  mais  par  la  providence  de  Dieu,  et  puis  il  ne  leur  faloit  point  regarder  aux  propheties  seulement,  mais  conioindre  tousiours  les  promesses  avec  celles  que  nous  avons  veues  par  ci  devant,  et  que  nous  verrons  encores  ci  apres,  quand  Dieu  leur  declare:  il  est  vray  que  vous  seres  affliges  iusques  au  bout,  toutesfois  i'aurai  le  soing  de  vous,  et  tout  cela  mesmes  vous  sera  converti  a  salut.  Quand  donc  les  fideles  pouvoient  invoquer  Dieu  s'appuiant  sur  ses  promesses,  encores  qu'ils  eussent  este  tourmentes  cent  fois  d'avantage,  si  est-ce  qu'ils  ne  pouvoient  tomber  que  sur  leurs