4:26  trent  que  les  reprouvez  sont  quelquesfois  touchez  du  sentiment  de  la  grace  de  Dieu,  qu'il  ne  se  peut  faire  qu'ils  ne  soyent  incitez  en  leurs  coeurs  a  quelque  desir  mutuel  de  l'aimer.  Voyla  comment  en  Saul  il  y  eut  pour  un  temps  quelque  bonne  affection  de  s'addonner  a  Dieu:  duquel  se  voyant  traitter  paternellement,  il  estoit  alleche  par  telle  douceur  de  sa  bonte.  Mais  comme  l'estime  qu'ont  les  reprouvez  de  l'amour  paternelle  de  Dieu,  n'est  point  bien  fichee  au  profond  de  leur  coeur:  aussi  ils  ne  l'aiment  pas  cordialement  de  leur  coste  comme  estans  ses  enfans,  mais  sont  poussez  d'une  affection  mercenaire.  Car  ce  n'est  qu'a  Iesus  Christ  seul  que  l'Esprit  de  l'amour  de  Dieu  a  este  donne  :  voire  a  telle  condition  qu'il  le  communique  a  ses  membres.  Et  de  fait,  le  dire  de  sainct  Paul  ne  s'estend  pas  plus  loin  qu'aux  eleus:  c'est  que  la  charite  de  Dieu  est  espandue  en  nos  coeurs  par  le  sainct  Esprit  qui  nous  est  donne  (Rom.  5,  5).  Or  il  parle  de  la  charite  qui  engendre  la  fiance  1)  d'invoquer  Dieu,  comme  nous  voyons  a  l'opposite  que  Dieu  se  courrouce  d'une  facon  admirable  a  ses  enfans,  lesquels  toutesfois  il  ne  laisse  pas  d'aimer:  nonpas  qu'il  les  haisse  en  soy,  mais  il  les  veut  espovanter  de  l'apprehension  dc  son  ire,  pour  humilier  en  eux  tout  orgueil  de  la  chair,  pour  escourre  et  esveiller  toute  paresse,  et  pour  les  soliciter  a  repentance.  Parquoy  en  une  mesme  heure  ils  le  cognoissent  estre  courrouce  contre  eux  et  leurs  pechez,  et  ne  laissent  pas  de  se  fier  qu'il  leur  sera  propice:  car  ils  ont  franchement  leur  refuge  a  luy,  et  d'une  fiance  arrestee:  et  ce  n'est  pas  en  feintise  qualis  le  requierent  de  se  vouloir  appaiser.  Il  appert  par  ces  raisons  que  plusieurs  qui  n'ont  point  de  vraye  foy  enracinee  en  eux  ont  toutesfois  quelque  apparence:  non  pas  qu'ils  en  facent  seulement  la  mine  et  le  semblant  devant  les  hommes,  mais  pource  qu'estans  poussez  d'un  zele2)  soudain,  ils  se  trompent  eux  mesmes  d'une  fausse  opinion.  Et  n'y  a  doute  qu'ils  ne  soyent  preoccupez  d'une  tardivete  et  pesanteur,  pour  ne  point  examiner  deuement  leur  coeur  comme  il  estoit  requis.  Il  est  vray  semblable  que  ceux  dont  parle  sainct  Iean  estoyent  tels,  quand  il  dit  que  Iesus  Christ  ne  se  fioit  point  en  eux,  combien  qu'ils  creussent  en  luy  :  pource  qu'il  ies  cognoissoit  tous,  et  savoit  ce  qui  estoit  en  l'homme  (Iean  2,  24.  25).  Au  reste,  si  plusieurs  ne  decheoyent  de  la  foy  commune  (i'use  de  ce  mot  de  Commune,  pour  la  grande  similitude  qui  est  entre  la  foy  caduque  et  fragile,  et  celle  qui  est  vive  et  permanente)  Iesus  Christ  n'eust  point  dit  a  ses  disciples,  Si  vous  persistez  en  ma  parolle,  vous  serez  1)  Le  latin  ajoute:  quam  supra  attigi.  2)  1562:  d'un  tel  zele.  Le  texte  latin  dit  seulement:  sed  dum  subito  zeli  impetu  feruntur.