39:26  provocasse.  Postea  simpliciter  ponit  nomen  Israelis,  ita  sub  hac  voce  designat  duodecim  tribus.  Dicit  autem  filios  Iehudah  et  Israel  provocasse  ab  adolescentia  tantummodo.  "]N  aliquando  affirmative  capitur,  aliquando  adversative,  sed  vel  nihilominus,  et  quadraret  hic  sensus  posterior,  nisi  quod  contextus  non  patitur.  Ego  libenter  eorum  subscribo  sententiae  qui  vertunt  tantummodo:  et  propheta  videtur  etiam  tollere  omnem  ambiguitatem,  quia  non  tantum  dicit  fecisse,  sed  fuisse  facientes,  quae  loquutio  significat  continuum  actum  :  fuerunt,  inquit,  facientes  malum,  hoc  est,  non  cessarunt.  Et  confirmat  hanc  sententiam,  quum  dicit  "JK,  tantummodo,  hoc  est,  nihil  aliud  fuisse  illis  propositum,  vel  omnia  eorum  studia  non  alio  spectarunt,  quam  ut  me  provocarent  sine  fine  et  modo.  Videmus  ergo  tolli  Iudaeis  omnem  materiam  querimoniae,  quoniam  Deus  longa  tolerantia  distulerit  suam  vindictam.  Poterat  enim  multis  ante  saeculis  poenam  de  ipsis  exigere.  Quum  ergo  non  destitissent,  non  potuit  videri  nimius  rigor,  quum  Deus  sua  bonitate  invitasset  eos  ad  poenitentiam,  idque  sine  profectu.  Et  nomen  pueritiae  hic  non  refertur  ad  singulos  homines,  sed  extenditur  ad  totum  populum:  ita  pueritia  sumitur  pro  tempore  redemptionis,  quemadmodum  postea  videbimus.  Tunc  enim  quodammodo  ecclesia  nata  fuit,  in  deserto  autem  quum  recens  essent  editi  in  lucem,  quia  Deus  eripuerat  eos  ex  tenebris  mortis:  in  illa  pueritia  coeperunt  Deum  provocare:  ab  eo  tempore  semper  fuerunt  obstinati  in  sua  malitia.  Summa  est  igitur,  populum  Israel  fuisse  tam  perverso  ingenio,  ut  necesse  fuerit  tandem  severe  ipsum  puniri,  quia  non  destiterit  mala  malis  addere.  Et  particula  ^  auget  crimen,  quod  scilicet  applicuerunt  omnia  sua  studia  ad  Deum  provocandum,  et  fuerunt  quasi  ingeniosi  ad  excogitandas  superstitiones  quibus  polluerant  Dei  cultum.  Tantummodo  ergo  fuerunt  patrantes  malum,  et  provocarunt  me,  inquit,  in  opere  manuum  suarum.  Explicatio  additur,  quia  poterant  obstrepere  Israelitae  quodnam  esset  illud  malum.  Deus  quidem  satis  ostenderat  eos  nihil  proficere  suis  subterfugiis,  quia  constituerat  se  iudicem  quum  diceret,  in  oculis  meis.  Nam  hac  particula  significant  prophetae  non  posse  rectum  iudicium  fieri  de  hominum  operibus  ex  eorum  sensu,  quia  velint  nolint  oportet  eos  stare  et  cadere  Dei  arbitrio.  Qmrt^s  ergo  Deus  pronuntiat  homines  peccasse  in  vel  coram  oculis  suis,  intelligit  frustra  eos  tergiversari,  dum  obtendunt  suas  bonas  intentiones,  ut  vulgo  loqui  solent,  quoniam  penes  ipsum  sit  autoritas  iudicandi.  Sed  confirmat  doctrinam  illam  quum  dicit  se  fuisse  provocatum  in  opere  manuum  ipsorum.  Per  opus  manuum  intelligit  propheta  superstitiones,  quas  sibi  excogitaverat  populus.  Et  semper  tenenda  est  antithesis  inter  Dei  mandata,  et  opera  manuum  nostrarum.  Quidquid