38:26  quum  sentiret  non  procul  abesse  horribilem  vindictam  Dei.  Certum  etiam  est,  fuisse  detestatione  hac  commotum  et  impulsum,  ut  cuperet  alio  se  transferri.  Sed  non  loquitur  tantum  sua  causa:  respicit  enim  suos  populares,  et  proponit  in  medium  hos  affectus,  ut  possit  efficaciter  penetrare  in  eorum  animos.  Tenendum  igitur  est,  fuisse  talem  sympathiam  in  propheta,  ut  nullis  lacrymis  fuerit  contentus,  quin  cuperet  totum  caput  diffluere  in  lacrymas.  Certum  etiam  est,  indignatione  fuisse  accensum,  ut  cuperet  populum  suum  relinquere:  sed  quemadmodum  dixi,  voluit  tentare  an  his  modis  reduceret  aliquos  in  viam.  Hoc  igitur  versu  docet,  tam  detestabiles  esse  Iudaeos  ut  merito  cupiant  ab  ipsis  remotissimi  esse  omnes  Dei  cultores.  Quis  ergo  ponet  me  in  deserto?  Nunc  quaerit  sibi  dari  aliam  patriam:  non  vult  habitare  in  loco  amoeno,  vel  offerri  commodum  aliquod  hospitium:  sed  cupit  statui  in  deserto,  in  diversorio,  inquit,  viatorum.  Non  loquitur  de  diversoriis,  quae  erant  in  pagis  et  urbibus,  sed  de  diversorio  deserti:  quemadmodum  videbimus  ubi  per  sylvas  longum  est  et  molestum  iter,  tuguria  quaedam  componi,  si  forte  deprehensus  fuerit  viator  tenebris  noctis,  ut  possit  latere,  sub  tecto  scilicet,  ne  sub  dio  cubet.  De  hac  ergo  specie  diversorii  loquitur  propheta.  Ergo  intelligit  haud  dubie  tugurium:  sed  quantum  ad  vocem  ipsam  spectat,  quemadmodum  dixi,  teneamus  proprium  sensum.  Summa  est,  potiorem  esse  habitationem  deserti  inter  feras  belluas,  quam  in  populo  illo  abominabili.  Hoc  voto  in  se  accendit  totius  populi  rabiem,  vel  maioris  partis:  sed  oportuit  ita  vehementer  insurgere,  quia  nullis  sanis  admonitionibus  obtemperabant,  nullis  etiam  consiliis  :  ideo  pungendi  erant  hac  vehementia,  imo  urgendi  talibus  probris.  Relinquam  igitur  populum  meum.  Hoc  emphatice  dicitur,  quia  dulce  est  cuique  natale  solum,  deinde  dulce  est  habitare  inter  suos.  Quum  ergo  propheta  cupit  se  transferri  in  desertum,  et  ita  populum  suum  relinquere,  cognatos  omnes  et  gentem  ex  qua  erat  oriundus,  et  ab  ipsis  deficere:  hinc  sequitur  ventum  fuisse  ad  extrema:  et  ratio  etiam  additur,  Quoniam  omnes  sint  adulteri.  Metaphorice  accipio  vocem  QiDfrOft,  nempe  quod  defecerant  omnes  a  Deo,  et  sese  prostituerant  impiis  superstitionibus,  vel  quod  ita  vitiati  erant  et  corrupti,  ut  nulla  restaret  integritas.  Non  ergo  proprie  vocat  adulteros,  qui  addicti  essent  scortationibus,  sed  qui  referti  essent  omnibus  corruptelis.  Postea  vocat  eos  conventum  defectorum,  aut  perfidorum:  "isy  significat  prohibere,  inde  H1KJ?  significat  conventum  condictum,  ubi  scilicet  vel  iureiurando,  vel  legibus  coguntur  homines,  et  postquam  indictus  est  conventus,  non  audent  discedere.  Ergo  propheta  hac  voce  designat  conspirationem,  quae  erat  in  populo  illo:  quasi  diceret,  non  minus  affixos  esse  suis  sceleribus,  26