37:26  hunc  exercitum.  Milites  in  exercitu  vagari  possunt,  nec  statim  imperator,  etiamsi  tuba  clangat,  eos  colliget,  atque  in  ordinem  rediget:  sed  alia  ratio  in  Deo  est.  Semper  in  promptu  habet  exercitum  suum:  idque  in  numerum,  hoc  est,  in  numerato  habet,  ita  ut  nihil  desit.  (Omnibus  acclamabit.)  Psalm.  147  (v.  4)  idem  habetur,  eodemque  sensu.  Quidam  exponunt  Deum  stellarum  numerum  tenere,  qui  nobis  est  incognitus.  Verum  aliud  sibi  David  et  Isaias  voluerunt,  Deum  scilicet  sideribus  uti  pro  arbitrio  suo:  ac  si  quis  servo  suo  imperaret  nominatim  ipsum  ad  se  vocans:  ut  postea  idem  quoque  de  Cyro  dicetur,  cuius  opera  et  ministerio  in  liberando  populo  suo  Dominus  usus  est.  Denique  notatur  summa  docilitas  et  obsequium,  ubi  qui  vocatur  statim  ad  nomen  respondet.  (A  magnitudine.)  Qui  superiore  loco  exponunt  Dominum  stellarum  numerum  tenere,  in  hoc  etiam  errant,  quod  putant  sic  nomina  iis  indidisse,  ut  vim  atque  officium  ipsarum  exprimeret.  Alii  exponunt  nullam  stellam  vi  et  efficacia  sua  destitui,  quod  Dominus  eam  ipsis  indiderit,  quae  perpetua  foret.  Alii  vero  coniungunt  haec  cum  verbo  Nip1,  ac  si  diceret,  Adeo  potens  est  Dominus,  ut  stellae  omnes  ipsius  iussa  exaudiant.  Atque  hic  sensus  aptior  mihi  videtur:  nempe,  Deum  ita  potentem  esse,  ut  simul  atque  aliquid  mandavit,  omnes  siderum  exercitus  praesto  sint  ad  obsequium.  In  quo  non  vulgare  potentiae  ipsius  documentum  habemus:  quum  nobilissimae  creaturae  illae  sine  controversia  sese  illi  subiiciunt,  et  iussa  eius  capessendo  testantur  se  autorem  suum  agnoscere.  Nomen  i��"K,  non  tantum  viris  et  mulieribus,  sed  aliis  quoque  animantibus,  atque  etiam  inanimatis  ab  Hebraeis  accommodatur:  quemadmodum  prius  cap.  34,  quum  de  avibus  loquens,  quae  magnificas  illas  domos  occupaturae  erant,  nullam  defore  diceret,  hac  dictione  tPK  usus  est.  Hic  nobis  commendatur  potentia  Dei,  ut  sciamus  nihil  aut  in  coelo  aut  in  terra  esse  quod  ab  eius  nutu  et  arbitrio  non  pendeat.  Nihil  ergo  magis  perversum  aut  praeposterum,  quam  si  cum  idolis,  quibus  nihil  vanius  esse  potest,  comparetur.  27.  (Quare  dices.)  Nunc  vel  cum  Iudaeis  expostulat  propheta,  quod  paene  desperatione  victi  essent,  nec  intenderent  in  promissiones  Dei,  quibus  animos  suos  sustentare  debuissent  :  vel  in  posterum  consulit,  ne  ullis  quamlibet  diuturnis  malis  succumbant.  Verba  sunt  futuri  temporis,  quae  etiam  resolvi  possunt  in  modum  subiunctivum:  Quare  diceres?  merito  enim  ex  proxima  sententia  infert  Isaias,  quidquid  acciderit  patienter  exspectandum  esse  Deum  ab  electo  populo,  donec  in  tempore  succurrat.  Ratiocinatur  enim  a  minori  ad  maius,  quum  singulas  mundi  partes  contineat  Deus  suo  imperio,  fieri  non  posse  ut  ecclesiam  suam  deserat.