34:26  son  oraison  fust  droite  devant  Dieu:  que  quand  tout  le  monde  seroit  ainsi  afflige,  il  ne  s'en  faudroit  point  esbahir.  Pourquoi?  Cognoissons  que  l'iniquite  est  comme  un  deluge,  et  que  si  en  particulier  chacun  s'en  sent,  nous  sommes  aussi  tous  entachez  des  vices  du  commun.  Car  qui  est  celui  qui  pourra  dire  qu'il  ait  chemine  en  telle  integrite,  qu'il  puisse  protester  a,  la  verite  qu'il  a  ses  mains  pures  devant  Dieu?  Helas!  il  s'en  faut  beaucoup.  Puis  qu'ainsi  est  donc,  cognoissons  que  c'est  pour  nos  pechez  que  Dieu  nous  punit  quand  nous  endurons  quelques  afflictions:  et  pourtant  que  nous  les  portions  patiemment,  cognoissans  mesmes,  que  nous  en  avons  merite  d'avantage.  Toutes  fois  que  nous  advisions  de  recourir  a  nostre  Dieu,  lui  demandans  qu'il  lui  plaise  de  nous  purger  de  toutes  nos  iniquitez,  qui  sont  cause  des  maux  que  nous  endurons  en  ceste  vie  presente:  et  qu'il  lui  plaise  nous  supporter  en  nos  infirmitez,  et  nous  faire  sentir  sa  bonte,  afin  que  nous  ayons  tousiours  dequoi  le  glorifier,  iusques  a  ce  qu'il  nous  ait  delivrez  de  ceste  vie  caduque,  pour  nous  faire  participans  de  sa  gloire  immortelle.  Or  nous-nous  prosternerons  devant  la  face  de  nostre  bon  Dieu,  etc.  LE  SOIXANTEQUATRIEME  SERMON,  QUI  EST  LE  III.  SUR  LE  XVI.  CHAPITRE.  Ce  sermon  est  encores  snr  le  verset  17  et  puis  sur  le  texte  qui  s'ensuit.  18.  Terre  ne  cache  point  mon  sang,  et  qu'il  n'y  ait  point  de  lieu  pour  mes  cris.  19.  Mesmes  maintenant  voici  mon  tesmoin  au  ciel,  et  celui  qui  me  garentit,  aux  lieux  tres-hauts.  20.  Mes  amis  sont  rhetoriqueurs  contre  moi,  et  mes  yeux  distillent  des  larmes  envers  Dieu.  21.  Que  sfil  estoit  licite  a  l'homme  de  disputer  avec  Dieu,  comme  avec  le  fils  d'un  homme  son  prochain.  22.  Voici  les  annees  briefves  s'escoulent,  et  Ventre  au  chemin  par  lequel  ie  ne  retournerai  point.  Iob  voulant  protester  de  son  integrite  met  ici  deux  choses:  c'est  assavoir,  qu'il  n'a  point  meffait  envers  les  hommes,  et  que  purement  il  a  invoque  Dieu.  Or  c'est  en  rapportant  sa  vie  a  la  Loi,  d'autant  que  la  nostre  Seigneur  nous  monstre  comme  nous  le  devons  servir,  et  aussi  converser  avec  les  hommes:  ainsi  que  souvent  il  nous  en  est  parle,  et  non  sans  cause:  car  ce  n'est  point  peu  de  chose  que  nous  puissions  regler  nostre  vie,  afin  qu'elle  soit  plaisante  a  Dieu.  Nous  voyons  donc  quelle  a  este  l'intention  de  Iob:  c'est  assavoir,  que  son  estude  estoit  de  servir  Dieu,  et  de  cheminer  avec  ses  prochains  sans  mal-faire,  ou  nuire  a  personne.  Il  est  vrai  qu'il  met  ici  seulement  deux  especes,  mais  c'est  voulant  comprendre  le  tout.  Gar  quand  il  dit,  Qu'il  n'y  a  point  d'outrage  ne  d'excez  en  ses  mains:  cela  emporte  qu'il  a  vescu  sans  que  personne  eust  occasion  de  se  plaindre  de  lui,  comme  s'il  lui  avoit  procure  ne  mal  ne  dommage.  Il  est  vrai  que  nous  pourrons  bien  faire  quelque  tort  et  iniure  sans  que  la  violence  apparoisse:  mais  d'autant  que  les  hommes  (s'ils  s'addonnent  a  nuire)  se  iettent  ainsi  hors  des  gonds,  et  s'efforcent  de  tormenter  l'un,  de  piller