30:26  num  factis  consilium  capit.  Neque  enim  hominum  poenitentia  potest  quae  futura  sunt  immutare  :  sunt  enim  mobiles  et  inconstantes,  et  in  horas  mutantur,  quae  varietas  et  mutabilitas  in  Deum  cadere  non  potest,  cui  omnia  futura  praesentia  sunt:  quare  poenitere  illum  non  potest.  Verum  Deus  ita  loquitur,  nostrae  infirmitatis  respectu.  Sic  itaque  propheta  Samuel  increpat  Saulem,  quum  dicit,  stabiliturum  fuisse  Iehovam  regnum  ipsius  apud  Israelitas,  si  Dei  mandato  fuisset  obsequens  :  ut  verum  id  futurum  fuerit,  si  Saul  conditionem  illam  appositam  observasset.  Sed  ista  sunt  sic  expendenda,  ne  Dei  consilia  et  arcana  incomprehensibilia  curiosius  scrutemur.  Nam  si  Saul  officium  regis  inoffenso  pede  facere  perrexisset,  Dei  benedictionibus  cumulatus  fuisset,  et  novis  semper  donis  auctus:  sui  enim  similis  semper  est  Deus.  Sed  etiam  hic  observandum  Deum,  ut  viam  faciat  arcano  illi  suo  aeterno  et  incomprehensibili  decreto,  saepe  uti  mediis  causis  inferioribus.  Et  ita  factum  ut  Saul  a  recta  via  aberrarit,  ut  Deus  regnum  Davidis  in  tribu  Iuda  erigeret,  et  Davidem  in  illius  possessionem  mitteret.  Lapsus  itaque  Saulis  fuit  causa  media  vel  inferior  electionis  Davidis.  Ita  D.  Paulus  de  Iudaeorum  casu  loquens  ait  illorum  lapsum  et  ruinam  causam  esse  nostrae  vitae  et  salutis.  Quod  enim  a  Deo  alieni  facti  sunt,  inde  factum  ut  Deo  reconciliati  fuerimus  ad  salutis  promissionem  obtinendam.  Verum  si  Iudaei  perseverassent  in  timore  et  lege  Dei,  non  ideo  tamen  desiissemua  Deo  coniungi  cum  ipsis:  quemadmodum  olim  a  propheta  dictum  est,  fore  ut  septem  infideles  vestem  fidelis  unius  accipiant,  dicantque:  Eamus,  ascendamus  in  montem  Domini.  Sed  quoniam  sese  Iudaei  privilegio  illo  indignos  reddiderunt,  quid  deinceps  accidit?  Provocarunt  me,  inquit  Dominus,  suis  rebellionibus  et  contumaces,  et  vicissim  ego  illos  provocabo.  Populos  enim  suscitabo,  qui  filii  mei  erunt.  Sane  antequam  ad  evangelii  cognitionem  veniremus,  eramus  instar  miserarum  pecudum:  et  in  locum  sancti  illius  seminis  surrogati  sumus:  quod  sua  culpa  in  maledictionem  incidit.  Ex  quibus  apparet  divina  providentia  res  omnes  ita  disponi,  ut  Dei  consilium,  non  capiamus,  quod  captum  nostrum  et  intellectum  superat,  verumtamen  ex  causis  inferioribus  apparet  Deum  efficere  quae  apud  se  decrevit:  et  sic  operari  ut  quod  ore  suo  pronunciavit  semper  impleat.  Sic  initio  huius  historiae  vidimus,  Deum  voluisse  filios  Eli  occidere.  Quid  ita  vero?  Nempe  iam  ante  decreverat  familiam  illam  et  stirpem  delere:  quare  sic  medias  causa��  ordinavit,  ut  illi  perierint.  Sic  quum  populo  voluit  benedicere,  viros  suscitavit  quos  donis  ad  sustinendas  tanti  muneris  partes  necessariis  ornavit.  Contra  vero,  quum  in  populi  peccata  voluit  animadvertere,  et  severius  populum  punire,  malos  ducea