29:26  nous  nostre  profit?  nous  protestons  d'avoir  l'Evangile,  et  nous  dirons  bien  que  les  Papistes  sont  idolatres,  gens  alienez  de  Dieu,  gens  desbauchez  a  tout  mal.  Et  pourquoy?  car  ils  sont  aveugles  cheminans  en  tenebres.  Or  nous  qui  avons  la  clarte  de  vie,  comment  est-ce  que  nous  reiglons  nos  oeuvres?  Et  si  on  fait  comparaison,  nous  trouvera-on  meilleurs  qu'eux?  mais  nous  serons  d'autant  plus  coulpables,  qu'apres  avoir  este  enseignez  nous  despittons  Dieu  avec  une  certaine  malice,  et  d'un  propros  delibere.  Puis  qu'ainsi  est  donc,  si  Dieu  ne  regardoit  qu'a  nous,  il  est  certain  que  nous  pourrions  estre  consommez  du  premier  iour:  mais  pource  que  les  Papistes  incontinent  auroyent  la  gorge  ouverte  pour  se  mocquer  de  Dieu  et  de  la  pure  religion,  voila  pourquoy  il  nous  maintient.  Et  ainsi,  ne  nous  glorifions  point  d'avoir  persiste  iusques  auiourd'huy  par  nos  vertus:  mais  notons  que  Dieu  n'a  point  voulu  que  son  Nom  fust  blaspheme,  qu'il  n'a  point  voulu  exposer  en  moquerie  et  en  opprobre  la  verite  de  son  Evangile.  Et  que  cela  soit  pour  nous  humilier  encores  mieux.  Nous  voyons  donc  que  ceste  doctrine  nous  appartient,  et  que  Moyse  n'a  pas  seulement  parle  pour  le  peuple  d'Israel,  mais  a  tous  ceux  qui  feroyent  profession  de  servir  a  Dieu,  qui  auroyent  la  pure  doctrine  de  sa  parolle:  que  s'ils  sont  desbauchez  et  qu'ils  provoquent  la  vengeance  de  Dieu  a  l'encontre  d'eux,  quand  ils  sont  supportez,  que  ce  n'est  pas  pour  leur  beaux  yeux  (comme  on  dit)  que  ce  n'est  pas  qu'ils  l'ayent  merite:  mais  d'autant  que  nostre  Seigneur  ne  veut  point  donner  une  telle  licence  et  si  desbridee  a  ceux  qui  en  cerchent  l'occasion.  Or  notamment  il  est  dit:  Que  Dieu  a  craint  V  irritation  de  V  ennemi  afin  qu'il  ne  s'estrangeasti  et  dist:  Ma  main  est  haute,  ce  n'est  point  le  Seigneur  qui  a  fait  ceci.  Par  ce  mot  d'irritation  il  entend  l'orgueil  qui  est  aux  hommes:  comme  aussi  au  Ps.  8.  quand  il  est  dit  que  Dieu  est  glorifie  par  la  bouche  des  petis  enfans  qui  allaictent,  notamment  il  est  parle  de  l'ennemi,  et  de  celuy  qui  se  venge:  pource  que  les  incredules  auront  tousiours  ceste  fierte  et  presomption  en  eux,  qu'il  n'est  question  que  de  cruaute  et  de  foudroyer.  Ainsi  en  ce  passage  il  est  dit  que  Dieu  a  craint  l'irritation  de  l'ennemi,  c'est  a  dire,  que  les  incredules  ne  vinssent  point  a  ceste  impiete-la  de  se  mocquer  de  la  Loy,  et  de  la  vraye  religion.  Dieu  donc  est  alle  au  devant.  Or  il  ne  faut  pas  cuider  que  Dieu  ait  a  craindre  les  hommes  :  car  il  y  pourroit  bien  prouvoir  par  un  autre  moyen.  N'est-ce  pas  luy  qui  a  forme  les  langues?  Et  comment  donc  pourrontelles  se  remuer  pour  dire  un  seul  mot,  quand  il  les  voudra  empescher?  se  pourront-elles  bouger  pour  prononcer  une  seule  syllabe?  Il  sembleroit  donc  que  ce  que  dit  ici  Moyse  fust  superflu,  que  Dieu