27:26  obeissance.  Si  donc  les  pasteurs  pretendent  d'estre  nourris  aux  despens  communs  de  l'Eglise:  il  faut  qu'ils  advisent  de  s'employer  au  service  de  Dieu.  Et  comment?  Ce  n'est  point  un  titre  d'oysivete,  ce  n'est  point  une  dignite  phantastique,  que  de  se  nommer  pasteur  d'Eglise:  mais  c'est  une  servitude,  combien  qu'elle  soit  honorable:  qu'il  faut  que  celuy  qui  est  constitue  pasteur,  et  ministre,  advise  d'obeyr  a  Dieu,  et  a  son  peuple:  car  nous  ne  pouvons  pas  servir  a  celuy  qui  nous  a  constitue,  sinon  en  servant  a  son  Eglise.  Voila  donc  comme  le  Pape,  et  tous  les  siens  sont  forclos  de  ce  qu'ils  pretendent  leur  appartenir  de  droict:  et  s'ils  gourmandent  les  biens  qui  estoyent  dediez  a  ceux  qui  servent  a  l'Eglise  de  Dieu,  il  faudra  en  la  fin  qu'ils  en  rendent  conte.  Car  on  voit  qu'ils  sont  des  fay-neans,  des  idoles:  et  non  seulement  cela,  mais  ce  sont  des  ennemis  mortels  de  l'honneur  de  Dieu,  qui  taschent  de  le  renverser  tant  qu'ils  peuvent.  Ainsi  donc  il  faut  bien  que  tout  cela  soit  comme  retranche:  et  quand  on  les  nourrit  et  substante,  c'est  autant  comme  si  on  vouloit  insecter  toute  la  bonne  semence  qui  est  en  l'Eglise  de  Dieu.  Il  est  vray  que  la  ou  ils  usurpent  ceste  tyrannie,  qu'il  faut  bien  esperer  qu'ils  en  rendront  conte  devant  Dieu:  et  ceux  qui  sont  la  detenus  en  captivite,  il  faut  bien  qu'ils  souspirent:  et  combien  qu'ils  cognoissent  que  c'est  un  sacrilege,  et  une  extorsion  insupportable  que  telles  exactions  soyent  mises  sus,  si  faut-il  neantmoins  qu'ils  passent  par  la.  Mais  quand  l'Eglise  sera  bien  reformee,  et  bien  ordonnee,  il  n'est  plus  question  que  ces  gouffres  devorent  ainsi  la  substance  du  peuple  de  Dieu  :  mais  que  ce  qui  a  este  mal  applique  soit  dedie  a  bon  usage,  et  sainct:  que  ce  soit  pour  nourrir,  et  substanter  ceux  qui  ont  la  charge  d'annoncer  la  parolle  de  Dieu,  et  pour  nourrir  aussi  et  substanter  les  povres,  comme  nous  savons  que  les  sacrificateurs  anciens  ont  este  tenus  a  cela  :  et  quand  ils  ont  eu  telle  portion  que  nous  avons  declaire,  c'a  este  pour  les  povres,  pour  ceux  qui  estoyent  en  indigence.  Voila  donc  comme  il  nous  faut  faire  nostre  profit  de  ce  passage.  Mais  cependant  revenons  a  ce  que  nous  avons  allegue  tant  du  Prophete  Isaie  que  de  Zacharie,  c'est  assavoir  qu'auiourd'huy  nous  sommes  succedez  au  lieu  des  Levites.  Puis  qu'ainsi  est,  notons  qu'encore  que  nous  possedions  en  ce  monde  heritages,  terres,  prez,  et  vignes,  qu'il  nous  y  faut  passer  viste  sans  y  estre  retenus:  et  nous  faut  prattiquer  ce  que  dit  S.  Paul  au  septiesme  de  la  premiere  aux  Corinthiens,  c'est  assavoir  que  celuy  qui  est  riche,  qu'il  soit  comme  ne  possedant  rien.  Et  pourquoy?  Car  si  nous  n'avons  Dieu  pour  nostre  heritage,  et  nostre  portion:  mal-heur  sur  nous.  Et  comment  cela  se  fera-il,  sinon  que  nous  soyons  desveloppez  de