26:26  trop,  pour  retrancher  ses  benedictions,  quand  il  voit  qu'elles  sont  prophanes.  Voila  ce  que  nous  avons  a  noter.  Et  mesmes  ces  facons  de  parler  conferment  tant  mieux  ce  qui  a  desia  este  dit,  que  Dieu  a  chasse  les  geans  devant  la  face  des  Idumeens,  devant  la  face  des  Moabites,  comme  nous  avons  veu  par  ci  devant,  que  c'est  luy  qui  envoye  frayeur.  Car  quand  il  luy  plaira,  encores  que  les  hommes  n'ayent  gueres  de  courage,  qu'ils  soyent  craintifs,  et  effeminez:  si  est-ce  qu'il  les  rendra  robustes,  qu'ils  seront  comme  rochers  pour  ne  se  point  mouvoir,  quand  on  viendra  heurter  a  l'encontre.  Mais  qu'il  y  ait  des  geans  qui  soyent  semblables  a  lions:  tant  y  a  que  Dieu  en  un  moment  les  pourra  affoiblir,  qu'ils  fuiront  a  leur  ombre,  eucores  que  nul  ne  les  poursuyve.  Quand  donc  Moyse  use  de  telles  facons  de  parler:  cognoissons  que  les  hommes  n'ont  point  leurs  courages  en  main  pour  se  fortifier  au  besoin.  Et  par  cela  que  nous  soyons  admonnestez  de  nous  fier  que  Dieu  desconfira  nos  ennemis  sans  force  humaine:  s'ils  s'eslevent  contre  nous  avec  une  rage  impetueuse,  qu'ils  seront  abbatus,  et  ne  pourront  rien  contre.  Et  pourquoy?  Car  Dieu  qui  fait  fuir  quand  il  veut  non  seulement  les  hommes  qui  sont  de  petit  courage,  mais  les  geans  qui  sont  si  admirables,  qui  espouvantent  tout  le  monde  de  leur  presence,  saura  bien  les  rembarrer  avec  toute  leur  audace.  Et  ainsi  apprenons  d'invoquer  Dieu,  k  ce  qu'il  luy  plaise  nous  donner  vertu  au  besoin,  que  nous  soyons  fortifiez  de  luy:  car  autrement  que  sera-ce?  nous  deviendrons  comme  eau,  encores  qu'on  ne  nous  presse  point  beaucoup.  Et  cela  nous  doit  apprendre  a  cheminer  en  plus  grande  solicitude,  voyant  l'infirmite  qui  est  en  nous,  voire  la  fragilite:  que  nous  ne  soyons  point  si  fols  de  nous  fonder  sur  nostre  vertu  :  mais  que  nous  prions  Dieu  qu'il  nous  tienne  la  main  forte,  et  qu'il  nous  donne  une  constance  invincible.  Or  si  nous  sommes  tant  infirmes,  quand  il  est  question  de  combattre  contre  les  hommes  mortels:  que  sera-ce  quand  il  sera  question  de  combattre  contre  nos  ennemis  spirituels?  pourrons-nous  resister  a  Satan,  et  a  tous  ses  efforts?  Helas,  il  s'en  faut  beaucoup!  Et  ainsi  donc,  que  nous  ayons  ce  tesmoignage  qui  nous  est  ici  rendu,  c'est  assavoir,  de  prier  Dieu  qu'il  dechasse  Satan,  qu'il  couppe  tous  les  liens  qui  nous  tiennent  ici  enserrez  :  et  cependant,  qu'il  nous  donne  la  force  d'y  resister,  tellement  que  nous  ayons  la  victoire  iusques  en  la  fin.  Voila  donc  ce  que  nous  avons  a  retenir  de  ce  texte  de  Moyse.  Et  au  reste,  quand  il  dit,  que  Dieu  a  pourmene  son  peuple  par  V  espace  de  trentehuit  ans,  iusques  a  ce  que  tous  ceux  qui  estoyent  pour  porter  armes  au  iour  que  le  peuple  murmurat  fussent  consumez,  c'est  encores  pour  reduire  en  memoire  ce  qui  a  este  dit:  Que  Dieu  a  execute  sa  vengeance  qu'il  avoit  prononcee  sur