23:26  sophatur,  ut  trinitatem  in  homine  fabricet.  Nam  quum  tres  animae  facultates  recenseantur  ab  Aristotele,  intellectus,  memoria,  voluntas  :  illud  arripiens,  ex  una  trinitate  multas  postea  derivat.  Eiusmodi  speculationibus  si  quis  otiosus  lector  oblectare  se  velit,  legat  librum  10.  de  Trinit,  et  14.  item  de  Civit.  Dei  libro  l  l  .  Fateor  quidem  esse  in  homine  aliquid  quod  Patrem,  et  Filium,  et  Spiritum  referat:  illam  quoque  facultatum  animae  distinctionem  non  aegre  admitto:  etsi  brevior  partitio,  nempe  bimembris,  quae  scripturae  magis  usitata  est,  ad  solidam  pietatis  doctrinam  aptior  est:  sed  definitio  imaginis  Dei  plus  habere  firmitatis  debet  quam  in  talibus  argutiis.  Ego  priusquam  imaginem  Dei  definiam,  a  similitudine  differre  nego.  Nam  quum  Moses  idem  postea  repetit,  praeterita  similitudine  imaginem  nominasse  contentus  est.  Si  quis  excipiat,  brevitati  studuisse,  ubi  nomen  imaginis  bis  inculcat,  nulla  similitudinis  fit  mentio.  Scimus  etiam  tritum  esse  Hebraeis,  idem  diversis  verbis  repetere.  Praeterea  phrasis  ipsa  ostendit  secundum  verbum  explicationis  vice  fuisse  additum,  Faciamus,  inquit,  in  imagine  nostra,  secundum  similitudinem  nostram:  hoc  est,  ut  similis  sit  Deo  vel  effigiem  Dei  repraesentet.  Denique  capite  5  nullam  imaginis  mentionem  faciens,  eius  loco  similitudinem  ponit.  Sublato  tamen  inter  voces  discrimine,  nondum  habemus  quid  sit  vel  imago,  vel  similitudo.  Nimis  crassi  fuerunt  anthropomorphitae,  qui  eam  in  corpore  humano  quaerebant:  itaque  sepultum  maneat  illud  delirium.  Alii  paulo  subtilius,  qui  tametsi  corporeum  Deum  non  imaginantur,  in  corpore  tamen  hominis  statuunt  Dei  imaginem:  quia  illic  refulgeat  tam  admirabile  artificium:  sed  haec  opinio  minime  consentanea  est  scripturae,  ut  videbimus.  Nihilo  verior  Chrysostomi  expositio,  qui  ad  imperium  refert  quod  homini  datum  erat,  ut  Dei  vices  in  mundi  gubernatione  quodammodo  gereret.  Est  quidem  haec  imaginis  Dei  aliqua  portio,  sed  perquam  exigua.  Quoniam  deleta  est  imago  Dei  in  nobis  per  lapsum  Adae,  ex  reparatione  indicandum  est  qualis  fuerit.  Dicit  Paulus  nos  per  evangelium  transfigurari  in  imaginem  Dei.  Et  secundum  ipsum  regeneratio  spiritualis  nihil  aliud  est  quam  eiusdem  imaginis  instauratio  (Col.  3,  10  et  Ephes.  4,  23).  Quod  autem  eam  constituit  in  iustitia  et  sanctitate  veraci,  est  synecdoche:  nam  quamvis  illud  praecipuum  sit,  non  tamen  est  totum.  Ergo  hac  voce  designatur  totius  naturae  integritas,  quum  Adam  recta  intelligentia  praeditus  foret,  affectus  haberet  compositos  ad  rationem,  sensus  omnes  sanos  et  ordinatos,  vereque  bonis  omnibus  excelleret.  Ita  primaria  sedes  divinae  imaginis  in  mente  et  corde  fuit,  ubi  emineret:  nulla  tamen  fuit  pars  in  qua  non  emicarent  aliquae  scintillae.  Erat  enim  in  singulis  animae  partibus  temperatura  quae  suis  numeris  con-