19:26  indigne  serviteur,  et  de  son  eglise  nous  a  donne  et  nous  donne  plus  que  nous  ne  pouvions  esperer.  Nous  avons  noz  assemblees  presque  tous  les  iours  et  de  iour  et  de  nuict,  nous  baptisons  et  esperons  celebrer  la  saincte  cene,  mesme  nos  gens  ont  pris  tel  courage  par  la  grace  du  seigneur,  qu'ils  ont  enterre  deux  corps  de  nostre  assemblee  a  scavoir  d'une  femme  et  d'un  enfant  de  nostre  compaignie  lesquels  ont  rendu  l'ame  au  seigneur.  Les  adversaires  les  ont  voulu  desterrer,  ils  se  sont  eslevez  contre  nous,  satan  a  fait  ses  effors  contre  nous  et  fait  encores.  Mais  le  seigneur  nous  assiste  de  telle  sorte  que  noz  assemblees  sont  accreues  de  12  personnes  a  30,  de  30  a  100,  de  100  a  200  a  500.  Nous  feismes  hier  une  assemblee  en  la  nuict  ou  nous  estions  pres  de  1000  personnes.  Ie  teinst  bien  deux  heures  et  davantage  mais  personne  ne  bougeoit  comme  vous  pourra  dire  le  pourteur  des  presentes.  Ceux  qui  me  menacoient  de  me  tuer  au  commencement  mettroient  maintenant  leur  vie  pour  moy,  tellement  le  seigneur  les  a  converti  a  soy.  Non  que  pour  cela  ie  mette  ma  fiance  aux  bras  de  la  chair,  mais  ie  considere  les  merveilles  du  seigneur.  Il  advint  ces  iours  passez  comme  noz  gens  s'en  retournoient  de  l'assemblee  en  plain  iour  que  les  adversaires  iectoient  des  huees  contre  nos  gens  ne  cherchans  qu'a  esmouvoir  sedition,  ils  iectoient  la  boue  et  des  pierres  contre  les  nostres,  mesme  on  se  iecta  sur  la  sage  femme  qui  recoit  les  enfans  des  nostres,  pour  la  cuider  massacrer,  mais  Dieu  la  delivra  comme  miraculeusement  par  le*  de  quelques  hommes  de  nostre  compaignie.  On  a  publie  edit,  on  a  fait  deffense  de  ne  nous  assembler,  on  nous  menasse  et  le  seigneur  nous  assiste  de  plus  en  plus,  tellement  que  noz  ennemis  nous  craignent  maintenant  voyant  que  le  seigneur  nous  assiste  ainsi  puissamment:  non  pas  qu'ils  recognoissent  ceste  oeuvre  estre  du  seigneur,  car  en  voyant  ils  ne  cognoissent  rien.  Voila  comment  est  l'estat  present  de  nostre  eglise.  Si  le  seigneur  de  sa  grace  nous  envoye  quelque  bon  capitaine8)  ou  par  vostre  moyen  ou  par  le  moyen  des  freres  de  Geneve  nous  serons  heureux,  sinon  nous  ferons  du  mieux  que  nous  pourrons.  Cependant,  chers  et  honorez  peres  et  freres,  ie  vous  supplie  par  les  entrailles  de  misericorde  du  seigneur  iesus  christ,  vostre  maistre  et  le  mien,  qu'il  vous  plaise  me  tenir  tousiours  comme  de  vostre  assemblee  et  estimez  tellement  de  moy  que  ie  suis  prest  a  recevoir  correction  de  vous,  voire  du  moindre  de  la  classe  plus  que  iamais.  Ie  vous  crie  mercy  a  tous  tant  en  general  qu'en  special  de  toutes  les  offenses  que  ie  vous  feis  iamais,  vous  priant  de  me  pardonner  8)  c.  a  d.  quelque  predicateur  distingue.