16:26  se  a  quibusdam  amicissimis  vocatum  non  sine  maximo  illorum  damno  ac  suo  etiam  maximo  incommodo  posse  hanc  profectionem  illis  denegare.  Respondit  tanden  ille  ut  ad  diem  Lunae  adesset:  tum  fore  ut  illi  voluntatem  suam  aperiret.  Ita  factum  ut  Neocomo  non  prorsus  certi  discesserimus  de  illius  profectione.  Sed  tamen  omnino  promisit  Farellus  cum  aliis,  si  Iacobus  missionem  non  impetraverit,  se  tamen  alium  esse  missuros,  qui  in  tertium  mensem  illic  haereat,  tantisper  dum  vel  alius  nobis  offeratur,  vel  ille  inter  eos  qui  illic  sunt  commodum  successorem  repererit.  Haec  est  summa  eorum  quae  illic  sunt  confecta.  Nunc  accipe  cur  hunc  ad  te  miserimus.  Recte  monebas  ut  illinc  recta  proficisceretur  Brossaeus,  sed  non  adscripsisti  eius  nomen  quem  illic  sit  primum  conventurus.  Quis  autem  ille  sit  facile  fuit  mihi  divinare,  sed  quibus  in  aedibus  commoretur  neque  ex  quoquam  qui  hic  sit  rescire  neque  suspicari  potui.  Deinde  quum  emendus  sit  equus  fratri  profecturo,  et  sumptus  etiam  aliquis  faciendus  in  vestem,  ne  habitus  istis  regionibus  paene  peculiaris  hominem  prodat,  vides  pecuniam  illam  non  posse  satis  facere  quam  fratres  miserunt.  Sed  huic  quidem  incommodo  facile  medebimur  ex  communi  aerario  aut  privato  etiam  sumptu,  quem  ille  resarciat  quum  Lutetiam  pervenerit.  Verum  prius  illud  eiusmodi  est,  ut  neque  nos  hoc  rescire  nisi  ex  vobis  possimus,  neque  ille  prius  proficisci  quam  responsum  acceperit.  Quare  vide  ut  primo  quoque  tempore  per  hunc  nuncium,  quem  ad  te  proprie  hac  de  causa  misimus,  hoc  nobis  significes,  ut  nihil  sit  quod  illum  possit  remorari.  Caeterum  quod  in  postremis  tuis  literis  adscripseras  de  brevi  exarsuro  incendio  7)  ita  nos  tenuit  anxios  ut  nihil  supra.  Vide  quaeso  ut  nos  hac  molestia  liberes.  Vireti  nostri  causa8)  in  octavum  diem,  qui  futurus  est  huius  mensis  xv.  ampliata  est.  Guer  altius9)  Vandelio10)  inter  caeteros  affuit,  cui  quum  quidam  obiiceret  quod  ducem  illum,  id  est,  vestrum  comicum  Caesarem  sequeretur,  exspecta,  modo,  inquit,  brevi  cernes  hunc  ducem  multis  militibus  14)  praeeuntem.  Ne  hoc  quidem,  quamvis  nihili  sit  et  ab  homine  nihili  profectum,  praetermittere  volui.  De  rebus  nostris  nisi  Dominus  prospiciat,  Io.  Tornacensem  12)  migrare  necesse  erit  propter  intem-  7)  fortasse  de  foedere  Bernensi,  aut  de  electionibus  initio  mensis  faciendis.  8)  contra  Vandelium  N.  2364.  2374.  9)  Gueroult  sive  Guyrod  typographus  Libertinorum  factioni  adhaerens  et  Serveto  favens,  qui  rem  habuit  cum  Beza  de  Psalmis  {N.  2068.  2075).  10)  Varidelio  Br.  11)  mitibus  Br.  12)  Aqmleiae  ministrum,  de  quo  tamen  nihil  habemus  quod  ad  rem  faciat.