13:26  omnia.  Eodem  die  coenavi  apud  Crantium,1!)  eo  accersitus  ab  Aloisio  et  reliquis  sociis,  quos  sperabam  me  Niduni  inventurum.  Multa  sumus  ego  et  Crantius  colloquuti  a  quibus  nunc  supersedeo.  Audio  Hallerum  totum  huc  incumbere  ut  Pyrrhum  nobis  reconciliet.  Orate  Dominum  pro  nobis,  tu  et  uxor  et  reliqui  fratres  et  symmystae,  quos  omnes  salutamus  plurimum.  Salutat  te  et  tuam  uxorem  mea  uxor  et  filiola.  Vale  optime.  Lausannae  10.  Augusti  1548.  Tuus  Petrus  Viretus.  1059.  CALVINUS  FARELLO.  Foris  res  frigide  et  timide  geruntur,  domi  instant  nova  certamina  ex  literis  sibi  subreptis  oritura,  quae  tamen  bono  animo  sustinebit  (Ex  autographo  Cod.  Genev.  106,  fol.  224,  cuius  recentiora  apographa  sunt  in  Cod.  l  l  l  ,  fol.  194,  in  Archivis  Bern.  Epp.  T.  VII.  p.  913  et  ap.  Simlerum  Vol.  67.)  Optimo  et  fidelissimo  Christi  Domini  nostri  servo  Guillelmo  Farello  ecclesiae  Neocomensis  pastori  fratri  mihi  carissimo.  S.  Quia  proxime  intra  breve  tempus  duos  nuncios,  qui  ad  te  proficiscebantur,  inanes  dimisi,  veritus  sum  ne,  si  nihil  nepoti  tuo  literarum  darem,  de  mea  ignavia  expostulares.  Et  tamen  vix  occurrit  quid  ex  multis  eligam  scribendum.  Helvetios,  quum  in  tempore  se  movissent,  tam  subito  quievisse  miror.  l)  Timendum  igitur  ne  is  ipse,  qui  dormientes  expergefecit  semel,  iterum  redormiscentes  opprimat.  Hic  nihil  fere  consilii,  animi  parum,  superbiae  plus  quam  expediat.  Fallesio  tamen  persuasum  est  hic  hvemare.  Tantum  absunt  a  resipiscentia  qui  hactenus  hic  intestinum  bellum  gerunt,  ut  peiora  moliantur.  Quantum  ex  sermonibus  ad  me  delatis  coniicio,  per  Crantium  factum  est  ut  in  l  l  )  Le  Sieur  de  Crans  l'un  des  principaux  parents  d'Ami  Perrin  {Grenus  p.  14).  Dominium  eius  situm  erat  prope  Neodunum.  1059-1)  Haec  pertinent  ad  res  Constantiensium.  Quos  quum  Hispani  d.  6.  Aug.  duce  Alfonso  Vives  adorti  essent,  statim  Thurgovienses  nonnulli  accurrerunt  opitulatum,  etiam  Bernenses  militem  compararunt,  sed  partim  Caesarem  metuentes  partim  pagos  catholicos  mox  substiterunt  {Haller  I.  h  Buchat  V.  352).  Senatus  Genevensis  iam  19.  Iul  a  Calvino  excitatus,  preces  publicas  edixisse  satis  habuit.