11:26  At  vero,  ne  in  hac  re  gloriemur,  Dominus  nos  mille  modis  humiliat.  Nihilo  enim  melius  apud  nos  res  habent  quam  istic,  ubi  dicis  pessime  habere.  Sed  in  rebus  alias  deploratis  hoc  semper  solatii  nobis  superest,  quod  non  frustra  Domino  servimus,  etiam  dum  in  speciem  videmur  ludere  operam.  Literas  ad  fratres  scriptas10)  dabis  si  videbitur,  sin  minus,  remittes,  aut  apud  te  servabis.  Eos  singulatim  nostro  omnium  nomine  salutabis  quam  amicissime,  quanquam  velim  et  *1)  meo  seorsum.  Vale  optime  et  integerrime  frater.  Salutant  te  peramanter  omnes,  praesertim  Capito,  Sturmius  et  Claudius.  Nam  Bucerus  abest,  sed  omnes  simul  mihi  provinciam  rescribendi  mandaverant,  quum  vestras  monitiones  ad  eos  detulissem,  quibus  tantum  abest  ut  fuerint  offensi,  ut  potius  confirmata  fuerit  eorum  erga  vos  benevolentia,  quae  tamen  alioqui  summa  est.  Vale  iterum,  anime  mi.  Ego  tametsi  dormiturio,  abstrahi  tamen  a  scriptione  non  possum.  Argentor.  4  calend.  Mart.12)  Calvinus  tuus.  212.  LEO  IUDAE  CALVINO.  Epistolas  eius  duas  de  rebus  hoc  saeculo  necessariis  germanice  vertit,  alteram  Basileae  prelo  submisit,  alteram  si  autori  placuerit  Augustae  submittet.  (Manu  scripta  non  exstat.  Legitur  ap.  Bezam  Gen.  p.  22,  Laus.  pag.  41,  Hanov.  pag.  46,  Chouet  pag.  26,  Amst.  pag.  12,  cf.  Prolegg,  nostra  Tom.  Y.  p.  40.)  Gratiam  et  vitae  innocentiam  a  Deo  patre  per  Christum.  Superioribus  annis,  vir  doctissime,  epistolas  duas  dedisti  non  tantum  doctas,  sed  etiam  valde  utiles  et  necessarias  maxime  praesenti  rerum  statu.  Has  ego  ambas  verti  germanice,  ut  et  ii  fructum  harum  perciperent  qui  latine  ignorant.  Altera  quam  ad  Episcopum  scripsisti,  Basilea  excusa  est  mea  opera:  alteram  noluerunt  excudere  typographi,  metu  periculi  fortasse  deterriti.  Nam  in  hac  liberrime  et  pro  christiana  naqQrjaia  loqueris  quo  pacto  se  gerant  qui  sub  papae  tyrannide  vivere  ac  degere  coguntur,  damnans  interim  eos  qui  utroque  genu  claudicant:  et  non  tam  Deo  quam  papae  servire  volunt,  putantes  10)  deperdiias.  11)  Apographa  exhibent:  ut.  12)  Stmlerus:  die  4.  Martii,  nescio  utrum  casu  an  de  industria  emendans,  v  supra  not  9.