1:26  [CO  1.  26]  Dei,  in  Evangelio  profecimus,  quin  istis  obtrectatoribus [p. 39]  vita  nostra  castitatis,  benignitatis,  misericordiae,  continentiae,  patientiae,  modestiae,  et  virtutis  cuiusvis  exemplum  esse  possit.  Nos  sane  Deum  sincere  timere  et  colere,  res  ipsa  testatur,  quando  tum  vita,  tum  morte  nostra,  nomen  eius  sanctificari  petimus.  Et  ipsa  invidia  coacta  est,  quibusdam  nostrum  innocentiae  et  civilis  integritatis  testimonium  dare,  in  quibus  id  unum  morte  plectebatur,  quod  singulari  in  laude  ponendum  erat.  Quod  si  qui  sub  praetextu  Evangelii  tumultuantur  (quales  hactenus  aliquos  in  regno  tuo  fuisse  non  compertum  est),  si  qui  vitiorum  suorum  licentiae  libertatem  gratiae  Dei  praetexunt  (quales  permultos  novi),  sunt  leges,  et  legum  poenae,  quibus  pro  meritis  graviter  coerceant  u  r  ,  modo  ne  interim  Evangelium  Dei  ob  scelestorum  hominum  nequitiam  male  audiat.  Habes,  Rex  magnificentissime,  satis  multis  expositam  calumniatorum  virulentam  iniquitatem,  ne  in  eorum  delationes [p. 40]  ultra  modum  credula  aure  propendeas,  vereor  etiam  ne  nimis  multis.  [OS  36]  Quando  iam  haec  praefatio  ad  iustae  paene  apologiae  modum  accedit,  qua  non  defensionem  texere,  sed  duntaxat  ad  ipsam  causae  actionem  audiendam  animum  tuum  praemollire  studui,  aversum  quidem  nunc  et  alienatum  a  nobis,  addo  etiam  inflammatum,  sed  cuius  gratiam  recolligere  nos  posse  confidimus,  si  hanc  nostram  confessionem,  quam  pro  defensione  apud  tuam  maiestatem  esse  volumus,  placidus  compositusque  semel  legeris.  Sin  vero  ita  aures  tuas  occupant  malevolorum  susurri,  ut  nullus  sit  reis  pro  se  dicendi  locus,  importunae  vero  illae  furiae,  te  connivente,  semper  vinculis,  flagris,  equuleis,  sectionibus,  incendiis  saeviunt,  nos  quidem  velut  oves  mactationi  destinatae,  ad  extrema  quaeque  redigemur  :  sic  tamen,  ut  in  patientia  nostra  possideamus  animas  nostras  (Luc.  21),  et  manum  Domini  fortem  expectemus,  quae  indubie  tempore  aderit,  et  sese  armata  exeret,  tum  ad  pauperes  ex [p. 41]  afflictione  eruendos,  tum  ad  vindicandos  contemptores.  Dominus,  Rex  Regum,  thronum  tuum  iustitia  stabiliat,  et  solium  tuum  aequitate,  Fortissime  ac  illustrissime  Rex.  Basileae,  X  Calendas  Septembres.