9:259  259  BESPONSIO  260  operae  pretium  erit.  Ac  quia  propositum  ei  est,  abrogare  Deo  summum  imperium  et  petulanter  sententiam  hanc  proscindit,  consilium  Dei  primam  esse  rerum  omnium  causam:  breviter  quas  in  medium  adducit  rationes  perstringam.  Platonem  rectius  sensisse  dicit,  qui  non  patitur  Deum  vocari  malorum  autorem.  Quid  sentiat  vel  loquatur  Plato  nunquam  hic  nebulo  cognovit.  Adeo  enim  a  mali  voce  abhorret  profanus  ille  scriptor,  ut  diserte  neget  incommoda,  quibus  sumus  obnoxii,  a  Deo  provenire.  Quod  nihil  aliud  est,  quam  Deum  privare  iudicis  officio.  Calvino  autem,  et  ante  eum  Luthero,  ac  Bucero,  pridem  etiam  Augustino,  aliisque  piis  doctoribus  nihil  minus  unquam  in  mentem  venit,  dum  summam  omnium  quae  in  mundo  aguntur,  causam  esse  praedicant  Dei  voluntatem,  [pag.  8]  quam  Deum  illaqueare  aliqua  culpa.  Passim  Calvinus  commentum  de  absoluta  Dei  potentia,  quod  in  scholis  suis  ventilant  sophistae,  acriter  repudiat,  et  detestabile  esse  asserit:  quia  ab  aeterna  Dei  sapientia  et  iustitia  separari  non  debeat  potestas.  Quo  satis  refellitur  impuri  huius  canis  protervia,  dum  probos  et  fidos  ecclesiae  doctores  blasphema,  horrenda  inauditaque  verba  effutire  dicit,  quae  non  minus  futiliter  quam  maligne  ex  sua  ipsius  officina  profert.  Porro  non  esse  Deum  malorum  causam  primo  ex  lege  naturae  probat,  et  divini,  ut  ipse  loquitur,  Platonis  autoritate,  apud  quem  vocatur  Deus  boni  causa.  Solutio  facilis  est,  in  notitia  boni  et  mali  vere  insculptam  esse  imaginem  eius  rectitudinis,  quam  in  Deo  esse  fatemur  omnes.  Atque  ut  quisque  vitam  suam  format  ad  legem  naturae,  ita  referre  Dei  naturam.  !)  Deo  enim  placet  iustitia,  sicuti  [pag.  9]  abominationi  est  iniquitas.  Quomodo  autem  occulto  iudicio  moderetur  quaecunque  perperam  ab  hominibus  fiunt,  nostrum  non  est  definire,  nisi  quod  statuere  oportet,  quidquid  agat,  eum  nunquam  deflectere  a  sua  iustitia.  Idem  respondeo  ad  secundum  argumentum.  Quaerit  bonus  hic  Dei  patronus,  si  Deus  autor  peccati  est,  cur  prohibet  ne  fiat,  et  hominibus  non  laxat  habenas?  Primo,  quo  pertinet  iste  latratus,  Deum  fieri  peccati  autorem?  Monstra  enim  sibi  ipse  confingit,  quibuscum  depugnet.  Deinde,  quid  si  retorqueam  (alio  tamen  modo)  quod  vere  dici  potest  pro  asserenda  Dei  omnipotentia:  Si  non  vult  fieri  Deus  quae  fiunt,  cur  non  impedit,  sed  habenas  hominibus  laxat?  Sed  ex  hac  specie  repugnantiae  elicere  promptum  est  quod  dicit  Augustinus,  Deum  admirabili  occultoque  modo  iuste  velle  fieri,  quae  iniuste  fiunt,  ut  [pag.  10]  in  lege  vere  expressa  sit  eius  voluntas,  odio  habeat  iniquitatem,  rectitudinem  probet.  Ex  hoc  fonte  manant  quae  legi  adiunctae  sunt  ma-  1)  retient  et  represente  le  naturel  de  Dieu.