8:259  259  DE  AETERNA  DEI  260  phetis  digna  est  hodie  maior  pars  hominum:  quorum  partim  cor  in  malitia  obstinatum  medelam  nullam  recipit,  partim  aures  insatiabili  pravarum  speculationum  desiderio  pruriunt.  Sunt  alii  fortasse  qui  libenter  vel  cum  dedecore  innotescerent.  Verum  [pag.  13],  suppresso  eorum  nomine,  efficiam  ut  intelligant  lectores,  quam  frivola  sint  ac  nihili  omnia  ipsorum  obiecta.  In  Pighio  nunc  et  Georgio  Siculo  belluarum  par  non  male  comparatum  proponere  statui.  Nam  etsi  quibusdam  in  rebus  fuisse  dispares  fateor,  in  fingendis  tamen  errorum  portentis,  in  licentia  bacchandi,  in  scelerata  adulterandae  scripturae  audacia,  in  superbo  veritatis  contemptu,  in  proiecta  impudentia,  in  proterva  loquacitate,  summa  inter  eos  reperietur  similitudo  et  aequalitas:  nisi  quod  Pighius,  lutulentas  magniloquentiae  suae  ampullas  inflans,  maiore  iactantiae  pompa  se  effert:  alter  ille  cothurnos,  quibus  assurgat,  ex  commentitia  revelatione  mutuatur.  Quum  autem  in  evertenda  praedestinatione  consentiant  ambo,  postea  tamen  in  commentis  suis  sunt  diversi.  Fingunt  ambo,  in  libertate  nostra  positum  esse,  ut  se  quisque  in  adoptionis  gratiam  inserat.  Neque  hoc  ex  Dei  consilio  pendere,  quinam  electi  sint  vel  reprobi:  sed  singulos  sibi  utramvis  fortunam  suo  arbitrio  statuere.  Quod  alii  credunt  evangelio,  alii  increduli  manent,  non  ex  gratuita  Dei  electione,  vel  ex  arcano  eius  consilio,  sed  ex  privata  tantum  cuiusque  voluntate  provenire  hoc  discrimen.  Caeterum  Pighius  sensum  suum  ita  explicat:  Deum  immutabili  consilio  creasse  indistincte  [pag.  14]  omnes  ad  salutem.  Sed  quum  Adae  praevideret  defectionem,  ut  firma  nihilominus  stabilisque  maneret  electio,  remedium  adhibuisse,  quod  omnibus  perinde  commune  esset.  Ita  in  Christo  stabilitam  fuisse  totius  humani  generis  electionem:  ut  nemo  pereat,  nisi  qui  sua  obstinatione  ex  libro  vitae  se  delet.  Rursus  vero,  quum  Deus  praevideret  quosdam  ad  extremum  in  malitia  gratiaeque  contemptu  fore  pertinaces,  tales  praevidendo  reprobasse,  nisi  resipiscant.  Hoc  reprobationis  esse  initium,  dum  se  impii  universali  electionis  beneficio  praeter  Dei  consilium  et  voluntatem  privant.  Indigne  vero  sentire  de  Deo  omnes  pronunciat,  et  alienum  iustitia  et  bonitate  rigorem  illi  affingere,  qui  electos  esse  praecise  et  absolute  quosdam  tradunt,  alios  destinatos  exitio.  Et  nominatim  hic  Augustini  sententiam  damnat.  1)  Praescientiam  vero  Dei  nihil  tollere  de  arbitrii  nostri  libertate  ut  ostendat,  ad  illam  Nicolai  Cusani  argutiam  confugit:  Quod  Deus  non  praeviderit,  quae  ab  aeterno  illi  nota  fuerunt,  quasi  futura,  sed  quasi  praesenti  aspectu  intuitus  fuerit.  1)  Capite  1  Lib.  8.