7:259  259  PAULI  III.  ADMONITIO.  260  consequuta,  hincque  posteritatis  a  sacerdotio  repulsa  verbum  Domini  verum  et  ratum  fecerunt.  (2)  Nos  vero,  fiii,  quum  te  indigna  quaedam  decreta  in  conventu  Spirensi  ex  ipsis  actis  animadverterimus,  indigniora  vero  designata  esse,  et  talia,  quod  si  propositum  exitum,  quod  Deus  avertat,  consequantur^  non  solum  te  in  certissimum  animae  salutis  periculum  adductura,  sed  ecclesiae  paci  atque  unitati,  cui  [pag.  8]  super  omnia  studere  debemus,  maiorem,  quam  qua  hactenus  laborarint,  perturbationem  sint  allatura.  (3)  Noluimus  sane  praetermittere,  quin  te  a  Deo  nobis  honore  et  amore  primogeniti  commendatum,  his  nostris  literis  de  tanto  tuo  et  ecclesiae  periculo  admoneremus.  Quanquam  quidem  te,  non  ut  Heli  liberos,  admonendum  duximus,  quos  depravata  voluntas,  et  consuetudo  peccandi  indociles  prope  ad  rectam  disciplinam  reddiderant,  sed  ut  eum  potius,  qui  multorum  annorum  cursu  non  abiit  in  consilium  impiorum,  quo  maiorem  in  spem  venimus,  non  frustra  nos  admomtione  paterna  esse  apud  te  usuros.  (4)  Omnia  vero,  fili,  in  eo  sunt,  si  ab  umtate  ecclesiae  te  abduci  non  sinas,  a  consuetudine  maiorum  tuorum  religiosissimorum  principum  non  recedas,  sed  eundem,  ut  debes,  morem  in  omnibus,  [pag.  9]  quae  ad  ecclesiae  disciplinam,  ordinem  et  instituta  pertinent,  observes,  quem  multos  annos  summa  cum  pietatis  animi  tui  significatione  edidisti.  (5)  Is  vero  est  eiusmodi,  ut  quoties  de  his,  quae  ad  religionem  pertinent,  disceptatur,  ad  sedem  apostolicam  omne  iudicium  semper  referatur,  nihil  illa  inconsulta  statuatur.  Tu  vero  nunc,  fili,  quum  vel  de  concilio  generali,  tanquam  de  remedio  omnium  opportunissimo  afflictis  ecclesiae  rebus,  et  ipsius  imprimis  Germaniae  mentionem  facis,  vel  de  nationali,  cuius  etiam  meministi,  vel  de  futuro  ad  proximum  autumnum  imperiali  conventu,  in  quo  de  religione,  caeterisque  rebus,  quae  ad  illam  pertinent,  tractare  promittis,  ita  agis,  ita  statuis,  ut  supprimas  eius  nomen  ubique,  cui  fuerit  cognitum:  si  Caesarem,  iniusso  tuo,  tam  concilium,  quam  legitimam  causae  definitionem  polliceri  sustineas.  2)  Hic  mihi  Athalia  venit  in  mentem.  Nam  sicut  impudica  illa  canis,  quum  regem  Ioas  cerneret  in  solio  collocatum,  quia  tyrannidem  suam  videbat  concidisse,  clamabat  seditionem  esse  factam:  ita  putidum  hoc  scortum,  quum  tyrannidi  suae,  quam  Deo  et  hominibus  invitis,  sibi  per  summum  nefas  arrogat,  vel  minimum  derogari  videt,  coelum  terrae  miscet,  quasi  nihil  amplius  sit  in  mundo  salvum.  3)  O  quam  multis  et  quam  insignibus  documentis  compertum  habet  Caesar  paternum  hunc  amorem.  Quod  nisi  sibi  ab  hoc  idolo,  tanquam  a  Deo  sinistro  metuerent  christiani  principes,  possent  mira  paternae  caritatis  officia,  quae  pro  se  quisque  experti  sunt,  recensere.  Sed  quid  principum  arcana  excutere  opus  est?  quasi  vero  non  omnibus  etiam  infimis  palam  sit,  qualem  se  hactenus  patrem  illis  exhibuerit.  4)  Hic  quidem  olim  speciosus  erat  fucus  romanae  meretricis,  iactare  ecclesiae  unitatem:1)  sed  iam  cum  longo  quasi  attritu  obsolevit,  tum  [pag.  46]  flatu  oris  Domini  toties  discussus,  et  claris  scripturae  testimoniis  abstersus  ita  fuit,  ut  ad  colorandam  cius  deformitatem  apud  oculatos  parum  valeat.  Christus  enim  unicum  sanctae  unitatis  vinculum  est:  ab  eo  qui  discedit,  violat  turbatque  unitatem:  extra  eum  vero,  non  nisi  sacrilega  conspiratio  est.  Vocat  nos  ad  se  romanus  Antichristus,  praetextu  unitatis:  et  quicunque  tyrannidis  suae  iugo  non  sponte  alligari  se  sustinent,  eos  schismaticos  iudicat.