51:259  259  SERMON  II  260  DEUXIEME  SEEMON.  Chap.  I,  v.  3.4.  Nous  avons  veu  par  ci-devant  comme  sainct  Paul  nous  exhortoit  a.  louer  Dieu  et  a  le  benir,  d'autant  qu'il  nous  a  benits,  voire  d'une  facon  non  pas  terrestre,  mais  spirituelle,  a  fin  que  nous  apprenions  de  nous  contenter  de  ce  que  Dieu  nous  a  declare  sa  bonte  et  son  amour,  d'autant  que  la  porte  du  Royaume  des  cieux  nous  est  ouverte  par  esperance:  et  encores  qu'en  ce  monde  nous  soyons  subiets  a  beaucoup  de  povretez,  c'est  bien  raison  de  nou$  contenter  de  ce  que  Dieu  nous  a  ainsi  choisis  et  appelez  a  soy,  selon  que  par  l'Evangile  nous  avons  tesmoignage  qu'il  est  nostre  Pere,  voire  puis  qu'il  nous  a  conioints  a  nostre  Seigneur  Iesus  Christ,  comme  membres  au  chef.  Or  maintenant  S.  Paul  nous  ramene  a  l'origine  et  a  la  source,  ou  bien  a  la  cause  principale  qui  a  esmeu  Dieu  a  nous  accepter.  Car  ce  n'est  point  assez  que  Dieu  ait  desploye  les  thresors  de  sa  bonte  et  de  sa  misericorde  sur  nous,  pour  nous  attirer  par  l'Evangile  a  l'esperance  de  la  vie  celeste:  cela  est  desia  beaucoup.  Mais  si  sainct  Paul  n'eust  adiouste  ce  que  maintenant  nous  voyons,  on  pouvoit  imaginer  que  la  grace  de  Dieu  estoit  commune  a  tous,  et  que  sans  exception  il  l'offre  et  la  presente.  Et  ainsi  que  c'est  a  chacun  de  la  recevoir  selon  son  franc-arbitre  :  par  ce  moyen  il  y  auroit  quelque  merite  en  nous.  Car  s'il  n'y  avoit  nulle  distinction  entre  les  hommes,  sinon  d'autant  que  les  uns  acceptent  la  grace  de  Dieu  et  que  les  autres  la  reiettent,  que  pourroit-on  dire  sinon  que  Dieu  s'est  monstre  liberal  a  tout  le  genre  humain?  Mais  tant  y  a  que  ceux  qui  sont  participans  de  la  grace  de  nostre  Seigneur  Iesus  Christ,  Tont  acquise  par  le  moyen  de  la  foy.  Voila  donc  ce  qu'on  pourroit  iuger.  Mais  sainct  Paul,  a  fin  d'exclure  tout  merite  du  coste  des  hommes,  et  monstrer  qu'il  n'y  a  rien  que  de  la  pure  bonte  et  gratuite  de  Dieu,  dit  qu1  il  nous  a  benits  selon  qu'il  nous  avoit  eleus  auparavant.  Comme  s'il  disoit  qu'il  nous  faut  contempler  la  diversite  qui  est  entre  les  hommes,  pour  bien  exalter  la  grace  de  Dieu  comme  il  appartient.  Car  l'Evangile  se  presche  a  d'aucuns,  et  les  autres  ne  scavent  que  c'est,  qu'ils  en  sont  du  tout  forclos,  comme  si  Dieu  faisoit  pluvoir  en  un  quartier  et  que  l'autre  demeurast  tout  sec.  Or  la  dessus  si  on  demande  pourquoy  Dieu  a  pitie  d'une  partie,  et  pourquoy  il  laisse  et  quitte  l'autre,  il  n'y  a  autre  response,  sinon  qu'il  luy  plaist  ainsi.  Apres,  l'Evangile  se  preschera  en  nn  lieu:  les  uns  seront  touchez  en  leur  coeur  d'une  vive  foy,  les  autres  s'en  retournent  comme  ils  sont  venus  sans  y  rien  profiter,  ou  bien  ils  s'endurcissent