50:259  259  EPIST.  PAULI  AD  GALATAS  260  premuntur  fratres:  sed  potius  ut  illos  exoneremus.  Id  fit  amicis  et  placidis  correctionibus.  Plurimi  enim  sunt  adulteri,  qui  libenter  Christum  facerent  lenonem  :  fures,  qui  libenter  facerent  eum  receptatorem:  omnium  denique  generum  improbi  et  scelerati,  qui  libenter  eum  patronum  facerent:  omnes  fidelium  humeris  ferenda  imponere  vellent  sua  onera.  Terum  quum  tolerantiam  instaurationi  vel  reparationi  subiiciat,  nemo  est  qui  non  videat  qualem  requirat  a  christianis.  Adimplete  legem  Christi.  Nomen  legis,  dum  Christo  aptatur,  circumstantiae  argumenti  servit.  Nam  subest  antithesis  inter  Christi  legem  et  Mosis:  ac  si  diceret:  Si  vobis  cordi  est  observare  legem,  ecce,  Christus  legem  vobis  praescribit,  quam  merito  aliis  omnibus  praeferre  decet:  nempe  ut  mutuam  humanitatem  colamus  inter  nos.  Nam  qui  hoc  non  habet,  nihil  habet.  Contra  vero  dicit  adimpleri  Christi  legem,  ubi  quisque  proximum  misericordia  sublevat.  Quo  significat  supervacua  esse  omnia,  quae  a  caritate  aliena  sunt:  compositio  enim  verbi  graeci  solidum  complementum  exprimit.  Quia  autem  nemo  praestat  omni  ex  parte  quod  requirit  Paulus,  ideo  a  perfectione  absumus  omnes:  qui  minimum  prae  aliis,  longissime  tamen  Dei  respectu.  3.  Nam  si  quis  putat.  Ambigua  est  verborum  constructio,  sed  mens  Pauli  certa.  Nam  particula  quum  n  i  h  i  l  sit  prima  specie  hoc  sonat:  si  quispiam,  qui  alioqui  nihil  est  (ut  sunt  multi  nihili  homines,  inflati  tamen  stulta  sui  persuasione),  aliquid  sibi  tribuat.  Verum  generalior  est  sententia:  ideoque  sic  resolvi  debet:  quandoquidem  universi  mortales  nihil  sunt,  qui  vult  aliquid  videri  et  se  aliquem  esse  sibi  persuadet,  se  decipit.  Primum  itaque  pronuntiat  nos  nihil  esse  :  quo  intelligit,  nihil  habere  nos  proprium  quo  gloriemur,  sed  omni  bono  esse  vacuos:  ut  tota  nostra  gloria  mera  sit  vanitas.  Inde  secundo  colligit,  eos  se  fallere,  qui  sibi  aliquid  arrogant.  Est  autem  perquam  absurdum,  quum  nihil  magis  indigne  feramus  quam  nos  ab  aliis  deludi,  sponte  nos  ipsos  esse  nobis  illusores.  Haec  porro  cogitatio  multo  aequiores  nos  aliis  reddet.  Unde  enim  insultandi  ferocia,  unde  superciliosa  austeritas:  nisi  quod  se  quisque  efferendo  alios  fastuose  despicit?  absit  arrogantia,  et  omnes  mutuo  modestissimi  erimus.  4.  Opus  autem  suum  probet.  Validissimo  iam  ictu  contudit  Paulus  humanam  superbiam  :  sed  quia  inde  ut  plurimum  provenit,  quod  aliis  nos  conferendo  pretium  nostri  statuimus  ex  vili  eorum  aestimatione:  negat  hic  eiusmodi  comparationi  esse  locum.  Nemo,  inquit,  se  metiatur  aliena  ulna  :  nec  sibi  ideo  placeat,  quia  alii  magis  displiceant.  Sed  omisso  aliorum  respectu,  suam  unius  conscientiam  excutiat:  et  quale  sit  suum  opus  consideret.  Ea  demum  est  vera  laus,  non  quam  aliis  detrahendo  nobis  conciliamus:  sed  quam  ha-