5:259  EPISTOLA  L  propius  ille  accessit  praestigiator,  fabulae  suae  actus  partim  motorios,  partim  statarios  orditur,  magicasque  illas  susurrationes,  quibus  e  coelo  Christum  sibi  videtur  evocaturus,  aliis  quidem  certe  [pag.  24]  videri  vult,  quibus  evocatum,  ad  immolationem  devovet:  quibus  Dei  erga  hominum  genus  reconciliationem,  ae  si  in  demortui  Christi  locum  subrogatus  esset,  molitur.  Haec  cum  simili,  qua  superiora  illa,  veneratione  excipi  ab  universa  multitudine  vides,  ad  eam  quoque  ipsam  imitandam  vultum  assimulas,  in  quem  (ut  minimum)  inscriptam  esse  eiusmodi  spectaculi  acerrimam  abominationem  decebat.  Et  adhuc  mihi  negabitur,  qui  missam  religionis  specie  audiat,  eum  totidem,  quot  in  ea  perpetrantur,  sacrilegiorum  consortem  se  apud  homines,  quidquid  animus  Deo  intus  canat,  profiteri?  Ecce  demum  idolum  illud,  corporis  quidem  specie  pusillum,  aspectuque  candidum,  sed  omnium  longe  et  pestilentissimum  et  teterrimum,  ad  tangendos  superstitione  spectatorum  animos  attollitur.  Huic  dum  sese  omnes  stupefacti  advolvunt,  tu  simul  converso  in  ipsum  intuitu,  venerabundus  prosterneris.  O  perditam  nostram  impudentiam:  si  quidquam  eorum,  quae  sacris  literis  adversus  idololatriam  prodita  sunt,  ab  ista  sic  deprehensa  coniunctaque*)  deprecamur?  Quid  enim?  an  hoc  est  aliud  idoli  genus,  quam  quod  adorare  secundo  legis  capite  vetamur?  Quod  si  ita  est,  cur  eius  cultum  minore  delicto,  quam  babylonicae  illius  statuae  censeamus?  quem  tamen  tres  illi,  quos  supra  retulimus,  Israelitae,  et  morte,  et  exquisito  ad  saevitiam  mortis  genere,  gravius  exhorruerunt?  Si  vulgaribus  ac  quibuslibet  gentium  superstitionibus  subesse  pronunciat  Dominus  immunditiam  2)  non  tangendam,  in  tanta  sordium  congerie,  quanta  hic  constat,  tot  sacrilegiorum  cumulis  volutari  qui  liceat?  Ut  autem  omnes  apostoli  sententias,  quibus  in  idololatriam  invehitur,  uno  isto  verbo  complectamur,  non  posse  nos  mensae  daemoniorum  et  Christi  mensae  una  fieri  participes,  quis  ad  missam  id  spectare  neget?  cuius  altare  eversa  Christi  mensa  erigitur:  cuius  epulum  diremptis,  laceratis,  sordidatis  mensae  Christi  epulis  instruitur:  in  qua  Christus  traducitur,  eius  mors  illuditur,  exsecrabile  pro  Deo  idolum  supponitur,  eam  vocare  daemoniorum  mensam  suppudebit?  ac  non  potius,  quod  tantae  impietatis  meretur  insolentia,  novum  excogitabimus  aliquod  nomen,  quo  detestabilius  quiddam  (si  fieri  possit)  exprimatur.  Et  sane  de  eo  haesitare  quomodo  hominibus  non  prorsus  caecis  in  mentem  veniat,  valde  miror,  an  daemoniorum  mensam  appellare  missam  debeant,  ad  quam  exaedificandam  1)  Sic  sola  princeps.  Caeterae  omnes  emendarit:  convictaque.  G-allus  etiam  habet:  convaincue.  2)  Sic  princeps.  Caeterae:  immunditiem.