15:259  259  EPISTOLAE  2024.2026  260  (Ex  autographo  Bibi.  pastorum  Neocomensium.  Epp.  Vireti  fasc.  VIII.  N.  14.)  Eximio  Christi  servo  Guilielmo  Farello  Neocomensis  ecclesiae  pastori  fidelissimo  fratri  et  symmystae  venerando.  Neocomi.  8.  Si  arbitratus  fuissem  me  tam  repente  post  tuum  a  me  discessum  Genevam  profecturum,1)  te  hortatus  fuissem  ut  eandem  mecum  viam  arriperes.  Non  enim  statueram  eo  ante  vindemias  proficisci.  Sed  quum  inde  Bega  rediisset  ac  ex  eo  intelligerem  me  a  Calvino  et  multis  aliis  bonis  viris  exspectari,  mutavi  consilium.  Reliqui  ecclesiam  illam  in  eo  paene  statu  in  quo  abs  te  nuper  visa  est.  Egi  causam  quandam  in  senatu  adversus  Gueroldum2)  Bezamastigem  et  famosam  illius  epistolam  quam  cum  psalmis  aliquot  clam  excudit.  Nondum  intellexi  quid  confectum  sit.  Contuli  cum  Calvino  de  consilio  illius  qui  cogitaverat  ad  regem  scribere.3)  Sentit  Calvinus  mecum  et  cum  Beza,  iudicatque  consilium  nimis  plenum  periculo,  cuius  nulla  appareat  spes  profectus,  sed  magnos  potius  motus  promittere  videatur.  De  Arcuario  si  coram  quod  sentio  dicere  non  conceditur,  scribam  non  meam  modo  sed  et  Calvini  sententiam,  qui  factum  valde  improbat.  Differam  autem  aliquamdiu  consulto,  quia  si  mihi  Bernam  redeundum  sit  commodius  per  vos  transeundo  haec  causa  peragetur.  Fuit  non  ita  pridem  hic  Arcuarius,  sed  ne  ullius  corruptelae  me  apud  vos  suspectum  redderet  nec  salutavit  nec  invisit.  Salutabis  fratres  omnes.  Vale.  Lausannae  6.  Octobr.  1554.  Tuus  Petrus  Viretus.  2025.  BURGHARDUS  CALVINO.  Gratias  agit  de  constanti  qua  ipsum  prosequitur  amicitiaf  eandem  se  invicem  ei  usque  servare  testatur.  Exemplaria  Commentarii  in  Genesin  Principibus  tradita  sunt,  ab  his  vero  cum  theologis  communicata,  2024.1)  De  hoc  itinere  Reg.  du  Conseil  27.  Sept.  4.  Od.  et  Ep.  Bezae  ad  Senatum  Genev.  d.  d.  19.  Oct.  ap.  Baum.  1.438.  2)  Alias  Guyrod,  Gueroult,  nisi  fallimur,  typographus,  mii  etiam  in  causa  Servetana  in  suspicionem  venerat,  ut  et  Sim.  du  Bosc  qui  et  ipse  in  hoc  negotio  Psalmorum  implicitus  erat  (Opp.  VIIL  752  sq.  Reg.  du  Conseil  22.  Nov.  IS.  Dec.)  3)  an  pro  captivo  quodam,  aut  omnino  pro  evangelicis  ?