10.1:259  CONSILIA.  voluntas,  ut  illi  vos  submittatis,  quam  ut  fraena  laxetis  vestris  affectibus.  Nam  et  infidelium  olim  exemplum  hic  nobis  incutiat  pudorem  oportet.  Utcunque  enim  illi  non  eam  reverentiam  adhibuerint  in  suis  superstitionibus,  quae  a  nobis  praestanda  est  in  sacramentis:  hoc  tamen  habuerunt  pro  confesso,  ab  illis  arcendos  esse  quicunque  aliquo  crimine  polluti  censerentur.  Quum  vero  coena  Domini  alicui  interdicitur,  ne  se  perpetuo  excludi  existimet,  neque  coniici  in  desperationem,  sed  hoc  :geri  ut  sese  deiiciat,  utque  alii  per  illum  discant.  (Juuin  igitur  hoc  totum  Dei  verbo  praescribatur,  petimus  a  vobis  per  Dominum,  ne  vos  subiicere  pudeat  rei  de  qua  compertum  habetis  quam  recta  quamque  sancta  sit.  Non  est  etiam  nobis  dubium,  esse  apud  vos  delectos  homines  et  constitutos  ad  corrigenda  scandala,  ad  monendos  qui  peccaverint,  atque  illos  agnoscendos  qui  sese  honeste  gerunt.  Qui  autem  ad  ea  munera  vocantur,  eam  humanitatem,  eamque  moderationem  prae  se  ferre  debent,  ne  censurae  praetextu  quis  infametur,  aut  prematur  calumniis,  falsis  delationibus  aut  suspicionibus.  Atque  hoc  attingimus  nominatim,  ut  ita  admittantur  quae  fient  admonitiones,  ut  is  ad  quem  pertinebunt  audiatur  etiam  si  quam  excusationem  habeat,  ne  aperiatur  fenestra  detrahendi  et  molestia  afficiendi  innocentes.  Sic  igitur  expediet  aliquem  pro  officio  deferri  apud  seniores,  ut  delato  sese  purgare  liceat:  ac  si  innocens  comperiatur,  delator  seorsim  corrigatur  ut  minus  circumspectus:  sin  vero  malus  animus  ad  delationem  calumniosam  ipsum  impulit,  illud  esset  plane  intolerabile.  Vestrum  est  autem  orare  Dominum,  ut  quos  ad  istud  munus  elegistis,  illos  spiritu  suo  regat  cum  vera  prudentia,  mansuetudine,  zelo,  rectitudine.  Vos  vero  ipsos  sinite  fraenis  illis  contineri,  quibus  omnes  opus  habemus:  et  quorum  est  inspicere  in  alios,  primi  illi  et  corrigantur  et  castigentur.  Inter  alia  vitia  quae  multi  sibi  condonari  vellent,  unum  est:  nempe  ut  liceret  ipsis  beneficia  illa  papatus  quae  vocant  retinere,  vel  de  illis  negotiari.  Quod  omnino  extra  disceptationem  damnandum  est.  Crimen  est  enim  quod  christianismo  diserte  repugnat,  si  quis  se  talibus  sacrilegiis  contaminet.  Alterum  est  non  tanti  momenti  in  speciem,  offerre  nempe  infantes  ad  baptismum  papisticum,  aut  prosequi  funera  mortuorum.  Atqui  ubi  illi,  qui  hoc  sibi  licere  aut  non  imputari  volunt,  serio  se  ipsos  excusserint,  ac  Deum  iudicem  sibi  posuerint  ante  oculos,  facile  in  se  ipsos  ferent  sententiam.  Satis  enim  est  notum  vobis,  quam  foedis  et  detestandis  superstitionibus,  adeoque  meris  Satanae  ludicris  foedatus  sit  baptismus  in  papatu,  ut  quisquis  offert  illic  infantem,  polluat  ipsum  quantum  in  ipso  est,  non  autem  benedictionem  Domini  ipsi  procuret.  Participare  etiam  precibus  quae  fiunt  pro  mortuis,