9:258  reverenter  adorare  conveniat  potius,  quam  excutere.  *)  Interea  principium  illud  retinet:  Quamvis  nos  ratio  consilii  lateat,  semper  tribuendam  esse  Deo  iustitiae  laudem:  quia  eius  voluntas  summa  sit  aequitatis  regula.  Quisquis  hominem  ita  docentem  gravare  tam  atroci  invidia  velit,  quasi  Deum  faciat  peccati  autorem,  hoc  probandum  imprimis  suscipiat:  quia  impii  Christum  crucifigendo  fecerunt  quae  Dei  consilium  et  manus  decreverant,  Deum  sceleris  esse  socium,  et  partem  culpae  sustinere.  Atqui  dictum  illud:  Impios  fecisse  quae  decreverant  manus  et  consilium  Dei,  non  Calvini  est,  sed  Petri  (Act.  2,  23),  et  totius  primitivae  ecclesiae,  [pag.  6]  Desinant  ergo  praeposteri  isti  homines  dilucidam  ac  puram  spiritus  sancti  doctrinam  maculis  suis  et  sordibus  inficere,  simulque  fucum  facere  simplicibus,  ut  audito  peccati  nomine,  qui  statum  quaestionis  non  tenent,  tam  odiosum  scopulum2)  refugiant.  Postquam  conquestus  est  David  se  iniusta  hostium  violentia  opprimi,  adiungit  tamen,  Deum  hoc  fecisse  (2  Sam.  IG,  10).  Iob  spoliatus  a  latronibus,  vexatus  a  diabolo,  pronunciat  ipse  quoque  haec  omnia  a  Deo  esse  profecta  (Iob.  1,  21).  Si  quis  excipiat,  Deum  hoc  modo  fieri  peccati  autorem,  cum  sanctis  Dei  prophetis,  atque  etiam  cum  spiritu  sancto  litiget.  Sed  quum  piam  illam  distinctionem  tenerent,  sic  omnia  fieri  Deo  ordinante,  ut  tamen  rectum  sit  ac  iustum  quidquid  vult  et  decernit:  non  dubitarunt  eum  locare  in  summo  gradu,  qui  Satanam  et  omnes  sceleratos  arcano  fraeno  regeret  Hoc  forte  brevi  responso  satis  refutata  esset  hominis  improbitas,  dum  Calvini  sententiam  tam  [pag.  7]  perverse  corrumpit  ac  deformat.  Quo  tamen  melius  detegatur,  alios  etiam  eius  fumos  discutere  1)  que  de  les  esplucher  ou  de  sV  fourrer  trop  avaut.  2)  difficulte.  17