55:258  amicitiae  vinculum,  quum  de  se  quisque  modeste  et  submisse  sentit:  sicut  rursum  nihil  est  quod  plures  pariat  discordias,  quam  dum  nimium  placemus  nobis.  Prudenter  ergo  Petrus,  qui  nos  taicecvocppovac  esse  iubet,  ne  superbia  et  animorum  altitudo  ad  proximorum  contemptum  nos  stimulet.  9.  Non  reddentes  malum  pro  malo.  His  verbis  prohibetur  omnis  vindicta.  Nam  ut  salva  maneat  caritas,  necesse  est  multa  ferre.  Quamquam  hic  non  de  mutua  benevolentia  concionatur:  sed  nos  iniuriarum  vult  esse  patientes  ubi  impii  homines  nos  lacessunt.  Tametsi  autem  vulgo  existiment  pusilli  hoc  et  abiecti  esse  animi,  non  ulcisci  iniurias:  summa  tamen  magnanimitas  coram  Deo  censetur,  quemadmodum  superius  dictum  est.  Nec  vero  sufficit  abstinere  a  vindicta:  sed  hoc  quoque  Petrus  postulat,  ut  iis  bene  precemur  qui  nos  probris  afficiunt.  Benedicere  hic  pro  bene  precari  accipitur:  quia  opponitur  secundo  membro.  Sed  in  genere  hoc  docet  Petrus,  mala  beneficiis  vincenda  esse.  Hoc  quidem  valde  arduum:  sed  patrem  nostrum  coelestem  in  eo  nos  imitari  decet,  qui  solem  suum  oriri  facit  super  indignos.  Quod  autem  sophistae  consilium  esse  fingunt,  futile  est  cavillum.  Simul  enim  atque  hoc  dixit  Christus:  Diligite  inimicos,  doctrinam  suam  confirmat,  ut  sitis  filii  Dei.  Scientes  quod  in  hoc  vocati  estis.  Significat  hanc  legem  impositam  esse  fidelibus,  quum  a  Deo  vocati  sunt,  ut  se  non  eatenus  tantum  mansuetos  praebeant,  ne  retalient  illatas  sibi  iniurias:  sed  etiam  ut  maledicentibus  benedicant.  Quia  autem  dura  et  propemodum  iniqua  videri  posset  haec  conditio,  ad  praemium  eos  revocat.  Ac  si  diceret,  non  esse  cur  fideles  querantur:  quia  in  suum  bonum  remittant  iniurias.  In  summa,  ostendit  quantum  sit  patientiae  lucrum:  quia  si  aequo  animo  sustinemus  iniurias,  Dominus  nos  sua  benedictione  prosequitur.  Verbum  xXnjpovo[ietv  positum  videtur  ad  exprimendam  perpetuitatem:  ac  si  dixisset  Petrus,  nobis  non  ad  breve  tempus  modo  bene  fore,  sed  semper,  si  in  ferendis  iniuriis  moderati  simus.  Porro  alio  modo  benedicit  Deus  quam  homines.  Nostrum  enim  est  vota  ad  eum  concipere:  ipse  effectum  in  manu  habet.  Ex  adverso  autem  significat  Petrus,  qui  ulcisci  iniurias  volent,  illis  infeliciter  cessurum  quidquid  tentabunt:  quia  hoc  modo  se  Dei  benedictione  abdicant.  10.  Qui  enim  vult  vitam  diligere,  et  videre  dies  bonos,  contineat  linguam  suam  a  malo,  et  labia  sua  ne  loquantur  dolum.  ll.  Declinet  a  malo,  et  faciat  bonum:  quaerat  pacem,  et  persequatur  eam.  12.  Quoniam  oculi  Domini  super  iustos,  et  aures  eius  in  preces  eorum.  Vultus  autem  Domini  super  facientes  mala.  13.  Et  quis  est  qui  vobis  male  faciat,  si  boni  aemuli  sitis?  14.  Verum  etiam  si  patiamini  propter  a  17