51:258  nous  ayons  cognu  qu'il  n'y  a  rien  en  ce  monde  qui  nous  doyve  retenir,  que  nous  ne  sommes  point  capables  de  recevoir  les  graces  qui  nous  ont  este  communiquees  en  nostre  Seigneur  Iesus  Christ,  et  que  Dieu  veut  que  nous  possedions.  Mais  quand  nous  aurons  cognu  que  nous  ne  sommes  point  creez  et  formez  pour  demeurer  en  ce  monde,  et  que  c'est  seulement  pour  y  passer  comme  pelerins:  mais  que  nostre  heritage  et  repos  permanent  est  la  haut  au  ciel,  que  la  dessus  nous  y  tendions,  et  nous  y  efforcions  de  plus  en  plus.  Et  au  reste,  combien  que  nous  soyons  debiles,  ne  defaillons  point:  mais  prenons  courage,  et  prions  Dieu  qu'il  nous  le  donne.  Et  voila  aussi  pourquoy  sainct  Paul  met  les  benedictions,  a  fin  que  nous  cognoissions  que  si  le  diable  a  beaucoup  d'embusches  pour  nous  desbaucher  et  pour  nous  distraire  du  bon  chemin,  que  Dieu  prouvoira  a  tout.  Et  pourquoy?  Car  ii  a  une  telle  multitude  de  benedictions,  qu'il  pourra  destruire  et  renverser  tout  ce  qui  pourroit  estre  contraire  a  nostre  salut.  Or  nous  nous  prosternerons  devant  la  maieste  de  nostre  bon  Dieu,  en  cognoissance  de  nos  fautes,  le  priant  que  de  plus  en  plus  il  nous  en  vueille  toucher  pour  nous  amener  a  une  vraye  repentance.  Et  que,  nous  condamnans  en  nous  mesmes,  nous  venions  cercher  en  nostre  Seigneur  Iesus  Christ  tout  ce  qui  nous  defaut,  et  que  ce  ne  soit  point  pour  un  iour,  ou  pour  quelque  bouffee  :  mais  qu'il  y  ait  une  vraye  perseverance  et  une  vraye  fermete  iusques  en  la  fin  de  nostre  vie.  Et  quoy  qu'il  nous  advienne,  que  nous  cognoissions  tousiours  que  nous  avons  bien  de  quoy  louer  nostre  Dieu:  si  nous  sommes  povres  et  miserables  en  ce  monde,  que  la  felicite  celeste  est  bien  pour  nous  appaiser  et  pour  nous  adoucir  toutes  nos  afflictions  et  tristesses,  et  nous  donner  un  tel  contentement  que  nous  ayons  neantmoins  la  bouche  ouverte  pour  benir  nostre  Dieu,  qui  s'est  monstre  si  humain  et  liberal  envers  nous,  voire  iusques  a  nous  adopter  pour  ses  enfans,  et  nous  monstrer  que  l'heritage  qui  nous  a  este  acquis  par  le  sang  de  son  Fils  unique  nous  est  appreste,  et  quil  ne  nous  peut  faillir,  moyennant  que  nous  y  tendions  avec  une  vraye  constance  de  foy  et  invincible.  Que  non  seulement  il  nous  face  ceste  grace,  mais  aussi  a  tous  peuples,  etc.  Calvini  opera.  Vol.  LL