5:258  rata,  energiam  suam  explicent.  Talibus  enim  ineptiis  e  pane  Christum  se  educere,  nobis  persuadere  contendunt,  [pag.  23]  Quidquid  ergo  illi  de  sua  potestate,  consecrandi  intentione,  verborum  pronunciatione  stolide  garriunt,  valere  sinamus.  Nos  promissionem  quam  falso  iactant,  primum  esse  coenae  propriam:  deinde  piorum  fidei  datam,  non  impiorum  irrisioni  scimus.  Quod  si  extra  coenam  locum  nullum  habet,  in  missa,  quaeso,  quem  habebit,  qua  nihil  usquam  coenae  magis  adversum  est?  Etsi  non  nisi  piis  ad  alendam  confirmandamque  suam  fidem  proposita  est,  qui  unica  Christi  oblatione,  quam  in  cruce  peregit  Deo  patri,  aeternum  sanctificatos  se  credunt:  qui  praestaretur  iis,  qui  nec  ipsam  intelligunt,  et  ipsius  praetextu  ad  illudendam  eius  veritatem  scelerate  abutuntur?  Illum  igitur  Deum,  quem  ludibundus  sacerdos  quaquaversum  circa  suum  altare  ventilat,  non  e  coelo,  ut  credi  volunt,  elicitum  :  sed  talem  esse,  qualis  e  pistrino  sit  extractus,  palam  est.  Nam  promissionem  quae  Christi  corpus  sub  p&nis  symbolo  fidelibus  praebet,  non  ad  eos  magis,  quam  ad  pecudes:  nec  ad  missas  magis,  quam  ad  bacchanalia  aut  Turcarum  prandia  spectare,  nihil  est  iam  ambigendum.  Quid?  histrionicae  illae  gesticulationes,  ita  indecorae  prorsus  et  immodestae  ,  ut  a  sanis  sobriisque  hominibus  proficisci  non  debeant,  dum  in  Christum  conferuntur,  sacrosancto  eius  nomini  videnturne  tibi  leviter  contumeliosae?  A  morionibus  forte  talia  tolerari  ludicra  poterant.  Dominum  vero  illis  inscribi,  ut  graviter  eius  sanctitati  iniurium  est,  ita  indignissime,  aut  (quod  verius  dixerim)  nullo  modo  nobis  est  ferendum.  Praesertim  quum  eo  recta  tendere  videamus,  ut  institutam  divinitus  spiritualis  coenae  caeremoniam,  sepultam  subversamque  penitus  exstinguant.  Agedum,  ad  simulandam  missae  religionem,  qua  conscientia  peragendis  eius  mysteriis  intersis,  mecum  nunc  recognosce.  Primo  statim  ingressu  sese  in  conspectum  infert  altare,  parum  illud  quidem  a  mensae  compositione  differens,  sed  quod  ipsa  tamen  nuncupatione  sacrificando  se  destinatum  clamet.  Iam  hoc  certe  solum  blasphemia  non  caret.  Vides  prodeuntem  sacrificum,  qui  quatuor  digitorum  unctione  pacificatorem  se  inter  Deum  et  homines  constitutum  glorietur:  qui  Christi  promissionem,  qua  corpus  et  sanguinem  suum  sub  panis  et  vini  symbolis  servis  suis  edendum  bibendumque  proponit,  ereptam'  fidelium  ecclesiae,  atque  ab  ipsa  coena  abreptam,  sibi  similibusque  sui  carnificibus  vendicat:  qui  coelestem  eius  coenam  missae  nomine,  in  qua  tota  ipsa  invertitur  ac  deformatur,  inhonorat.  Adstat  populus,  nihil  non  eorum  divinum  esse  persuasus:  cui  permixtus,  eadem  te1)  teneri  religione  simulas.  Ubi  ad  altara  1)  te  omittunt  omnes  praeter  ed.  principem.  17