47:258  habetur  Psalmo  91,  l  l  ,  quisquis  in  viis  suis.  ambulat,  angelos  habet  custodes  et  eorum  ductu  tutus  est,  ne  ad  lapidem  pes  eius  offendat.  Christus  ergo  hoc  praesidio  fretus  animose  pergit  in  Iudaeam  lapidationem  non  metuens,  quia  nullum  sit  errandi  periculum,  ubi  Deus  solis  officium  faciens  nobis  praelucet  cursumque  nostrum  moderatur.  His  verbis  docemur,  quoties  homo  propriis  consiliis  sine  Dei  vocatione  se  permittit,  totam  eius  vitam  nihil  quam  vagum  et  erroneum  esse  cursum:  et  qui  maxime  sibi  sapere  videntur,  ubi  os  Dei  non  interrogant  ac  spiritum  eius  non  habent  actionum  omnium  praesi*  dem,  caecos  esse  in  tenebris  palantes:  unam  hanc  esse  rectam  viam,  si  vocationis  divinae  probe  nobis  conscii  praeeuntem  semper  habemus  Deum.  Hanc  bene  instituendae  vitae  regulam  sequitur  certa  fiducia  prosperi  successus,  quia  fieri  non  potest  quin  feliciter  gubernet  Deus.  Atque  haec  cognitio  plus  quam  necessaria  nobis  est:  vix  enim  pedem  ad  sequendum  eum  movere  possunt  fideles,  quin  mille  statim  obstacula  ingerat  Satan,  varia  hinc  inde  discrimina  ostentet,  modisque  omnibus  viam  obstruere  machinetur.  Atqui  ubi  Dominus  tanquam  accensa  luce  sua  nos  ad  pergendum  invitat,  magno  animo  pergendum  est,  etiamsi  multae  mortes  iter  obsideant:  quia  nunquam  progredi  nos  iubet,  quin  addita  simul  promissione  animet  ut  certo  statuamus,  bene  ac  feliciter  nobis  cessurum  quidquid  ex  eius  mandato  suscipimus.  Hic  currus  est  noster,  in  quem  quisquis  se]  recipiet  lassitudine  nunquam  deficiet:  imo  si  magis  ardua  sint  obstacula  quam  ut  per  ipsa  curru  vehamur,  his  tamen  alis  instructi  semper  reperiemus  exitum,  donec  ad  metam  perventum  fuerit,  non  quod  fidelibus  nihil  adversi  accidat,  sed  quia  res  adversae  illis  adiumenta  sunt  in  salutem.  Summa  est,  intentos  semper  oculos  Dei  fore  in  eorum  custodiam,  qui  ad  eius  nutum  intenti  erunt.  Hinc  rursum  colligimus,  quoties  homines  neglecto  et  praeterito  Dei  verbo  sibi  temere  indulgent  et  quod  allubescit  suscipiunt,  totum  vitae  eorum  cursum  maledictum  esse  a  Domino,  semperque  eorum  audaciae  caecaeque  libidini  paratam  esse  vindictam.  Diem  autem  hic  Christus  ex  more  antiquo  in  duodecim  horas  partitur:  quamvis  enim  aestate  ac  hieme  dies  varient,  semper  tamen  diurnas  horas  duodecim  et  totidem  nocturnas  habebant.  l  l  .  Haec  loquutus  est,  et  post  hoc  dicit  illis:  Lazarus  amicus  noster  dormit,  sed  vado,  ut  expergefaciam  eum.  12.  Dixerunt  ergo  discipuli  eius:  Domine,  si  dormit,  salvus  erit  13.  Dicebat  autem  Iesus  de  morte  eius:  illi  autem  putabant  de  dormitione  somni  eum  dicere.  14.  Tunc  ergo  palam  dixit  illis  Iesus:  Lazarus  mortuus  est:  15.  et  gaudeo  propter  vos  quod  non  fuerim  illic,  ut  credatis.  Sed  eamus  ad  eum.  16.  Tunc  Thomas  cognomine  Didymus  dixit  17