10.1:258  messes  qui  se  feroient,  oultre  ce  quung  chacun  se  donneroit  licence.  Et  en  la  fin  au  lieu  de  reverence  il  ny  auroit  que  mespris.  Charles  despeville.  AD  DIVERSOS  ARTICULOS,  i)  Dilectissimi  fratres,  quia  ad  singulas  ecclesias  quae  apud  vos  sunt  hoc  scriptum  spectat  maxima  ex  parte,  commodissimum  duximus  nostras  ad  vos  literas  communes  dare,  non  tam  ut  labori  parceremus,  quam  ne  multum  verborum  frustra  singulis  literis  insumendum  esset:  ac  praesertim  ut  ita  persuasi  sitis,  nos  diversis  literis  nihil  diversum  respondere,  quum  nostrum  consensum  omnibus  perinde  constare  velimus.  Primum  igitur,  quia  accepimus  quibusdam  non  probari,  quum  de  fide  interrogantur,  ut  si  minus  instructi  deprehendantur,  ad  coenam  non  tantisper  admittantur,  donec  melius  profecerint:  petimus  ab  illis  quibus  iste  rigor  non  placet,  in  nomine  Domini,  ne  sibi  in  malo  suo  indulgeant:  neque  etiam  hoc  captent,  ut  indulgeatur  illis  quod  ad  ipsorum  exitium  pertineret.  Nota  esse  debet  illa  apostoli  sententia  inter  Christianos,  sacrilegii  teneri  quicunque  panem  Domini  indigne  comederint  (1.  Cor.  ll,  27).  Ut  vero  quis  illo  digne  utatur,  requirit  ut  sese  quisque  probet:  ubi  satis  docet,  non  debere  ad  istam  mensam  accedere  qui  ad  sese  probandum  non  sunt  idonei.  Quisquis  igitur  non  ante  institutus  in  fide  temere  ad  coenam  accedit,  iram  Dei  provocat:  ut  qui  ita  indigne  vetantur  accedere,  non  habeant  quod  querantur,  dum  ita  illorum  salus  potius  procuratur.  Ac  si  quisque  satis  saperet,  sibi  quisque  iudex  esset:  sed  quia  multi  parum  sibi  attendunt,  expedit  certum  ordinem  exstare  in  ecclesia,  uti  nunquam  non  hoc  obtinuit,  ne  profanentur  sacramenta.  Ubi  enim  promiscue  omnes  admittuntur  sine  delectu,  contemptus  est  quem  Dominus  tolerare  non  potest.  Dominus  ipse  coenam  solis  discipulis  distribuit.  Quare  quisquis  non  est  institutus  in  evangelii  doctrina,  non  debet  accedere  ad  Domini  institutum.  Nemo  igitur  moleste  ferat,  dum  ipsius  christianismus  probatur  saltem  tenuissime  quum  ad  coenam  admittendus  est.  Idem  etiam  statuendum  est  in  toto  statu  et  ordine  disciplinae,  quae  in  ecclesia  vigere  debet,  ne  admittantur  illi  qui  indigni  iudicati  fuerint.  Scimus  hoc  novum  videri  illis  qui  non  tenent  discrimen  inter  iugum  Domini  nostri  Iesu  Christi,  et  papatus  tyrannidem:  sed  vestrum  est  potius  inspicere  quae  sit  Domini  1)  Hoc  quoque  ex  gallico  versum  Beza  Epistolis  inseruit  Genev.  p.  340,  Laus.  p.  648,  Eanov.  p.  729,  Ghouet  p.  468,  Amst  p.  213.  17