9:257  257  BUEYIS  RESPONSIO  AD  DILUENDAS  NEBULONIS  CUIUSDAM  CALUMNIAS  QUIBUS  DOCTRINAM  DE  AETERNA  DEI  PRAEDESTINATIONE  FOEDARE  CONATUS  EST.  Oblatum  est  mihi  insulsum  nebulonis  cuiusdam  scriptum,  qui  so  tamen  patronum  ac  vindicem  gloriae  Dei  iactat:  quia  principium  illud  oppugnet,  mundum  a  Deo  sic  gubernari,  ut  nihil  nisi  arcano  eius  arbitrio  fiat.  Interea  non  videt  miser  ille,  dum  fallaces  ad  excusandam  Dei  iustitiam  praetextus  captat,  se  eius  potentiam  evertere.  Quod  perinde  est  ac  si  Deum  ipsum  discerpere  l)  tentaret.  Caeterum,  ut  colorem  suo  sacrilegio2)  inducat,  non  minus  improbe,s)  quam  malitiose  praefatur,  Deum  non  esse  malorum  causam,  nec  velle  peccatum.  Quasi  vero,  dum  asserimus  [pag.  4]  Deo  summum  imperium,  dicamus  esse  peccati  autorem.  Calvinum  eo  scripto  perstringi  certum  est,  quem  ab  hac  blasphemia,  cuius  insimulat  nebulo  iste,  magis  remotum  esse  constat,  quam  ut  longa  purgatione  opus  sit.  Ubique  in  scriptis  suis  clamitat,  quoties  de  peccato  agitur,  non  miscendum  esse  Dei  nomen:  quia  in  Dei  naturam  non  nisi  perfecta  rectitudo  et  aequitas  competit.  Quam  putida  igitur  calumnia  est,  hominem  de  ecclesia  Dei  bene  meritum  crimine  hoc  involvere,  quasi  Deum  faciat  autorem  peccati?  Docet  quidem  ubique,  nihil  fieri  nisi  volente  Deo.  Interea  quae  scelerate  fiunt  ab  hominibus,  Deum  arcano  iudicio  ita  moderari  asserit,  ne  quid  affine  habeat  hominum  vitio.  Summa  doctrinae  eius  est,  Deum  mirabiliter,  et  modis  nobis  incognitis,  in  quemcunque  vult  finem  omnia  dirigere,  ut  aeterna  eius  voluntas  prima  sit  rerum  omnium  causa.  Cur  autem  velit  Deus  [pag.  5]  quod  nobis  videtur  minime  consentaneum,  fatetur  esse  incomprehensibile.  Ideoque  nimis  curiose  et  audacter  investigandum  esse  negat:  quoniam  iudicia  Dei  sint  abyssus  multa  (Psal.  36,  7),  et  mysteria  quae  modulum  nostrum  superant,  1)  mettre  en  pieces  et  demembrer,  2)  Add.  detestable.  3)  cauteleux.  Cedant  opera.  Vol.  IX