8:257  257  DE  AETERNA  DEI  PRAEDESTINATIONE.  Iam  elapsi  sunt  *)  novem  anni  quum  Albertus  Pighius  Campensis,  homo  phrenetica  plane  audacia  1)  Loco  eorum  quae  hic  leguntur  pag.  ll.lb  ed.  principis  latinae  versio  gallica  magistratui  oblata  haec  pauciora  exhibet  ..  I'ay  traitte  suffisamment,  comme  il  me  semble,  en  l'Institution  ce  que  tous  Chrestiens  ont  a  sentir  touchant  cest  article  de  foy  qui  est  contenu  en  l'Escriture  saincte:  a  savoir  que  d'entre  les  hommes  Dieu  choisit  a  salut  ceux  que  bon  luy  semble,  set  reiette  les  autres,  sans  que  nous  sachions  pourquoy,  sinon  qu'il  en  a  la  raison  cachee  en  son  conseil  eternel,  mais  pource  que  Satan  ne  cesse  de  susciter  des  esprits  malins,  pour  obscurcir  et  troubler,  voire  renverser  du  tout  ceste  doctrine,  a  fin  que  ceux  qui  desirent  de  se  ranger  a  la  pure  verite  de  Dieu  ayent  de  quoy  se  contenter,  i'ay  bien  voulu  adiouster  encores  ce  traitte  a  ce  que  i'en  avoye  escrit  auparavant,  pour  plus  ample  confirmation  de  ce  qui  desia  en  est  la  dit.  Or  pource  que  de  nostre  temps  il  y  a  eu  principalement  deux  ennemis  de  Dieu  qui  se  sont  attachez  a  cest  article  de  nostre  foy,  taschans  d'abolir  ce  que  l'Escriture  nous  monstre  de  la  predestination,  ie  me  suis  aussi  addresse  a  eux  pour  respondre  a  tout  ce  qu'ils  aineinent  au  contraire.  Car  ils  ont  recueilli  toutes  les  cavillations  qui  sont  pour  esbranler  ou  mettre  en  doute  les  consciences  debiles,  et  tous  les  blasphemes  dont  les  meschans  s'efforcent  de  noircir  et  diffamer  la  iustice  de  Dieu.  L'un  de  ceux  que  i'ay  dit  estoit  un  bas  Aleman,  nomme  Albert  Pighius,  homme  d'un  esprit  impetueux  et  mesme  forcene.  Le  second  a  este  un  moine  de  S.  Benoist,  nomme  George  de  Sicile  :  lequel  ayant  fait  accroire  aux  fols  que  Iesus  Christ  luy  estoit  apparu  et  luy  avoit  donne  l'intelligence  de  toute  l'Escriture,  s'est  mis  en  grand  credit  pour  peu  de  temps,  en  sorte  qu'il  a  deceu  et  hebete  un  nombre  infini  de  gens.  Or  combien  que  tout  ce  qu'ils  ameinent  est  tant  frivole  que  c'est  quasi  un  labeur  superflu  a  moy  de  le  redarguer,  toutesfois,  pource  que  nous  sommes  detteurs  aux  simples  et  inconsiderez,  voyant  Ia  necessite,  ie  n'ay  voulu  faillir  a  m'acquitter  de  ma  charge,  tant  pour  reduire  ceux  qui  ne  sont  point  incurables,  que  pour  donner  comme  un  preservatif  a  ceux  qui  ne  seroyent  point  assez  munis  contre  la  malice  et  les  ruses  de  tels  galans.  La  somme  de  ce  que  nous  avons  a  traitter  est  celle  que  i'ay  touchee  ci  dessus,  a  savoir,  que  Dieu  par  sa  pure  bonte  et  gratuite  choisit  d'entre  les  hommes  ceux  que  bon  luy  semble  pour  les  appeller  a  salut,  et  que  le  reste  demeure  en  sa  perdition.  Mais  devant  que  passer  outre,  il  est  bon  que  les  lecteurs  soyent  derechef  advertis  que  ceste  question  n^est  point  d'une  subtilite  volage,  pour  tormenter  les  esprits  sans  fruict  ne  propos,  mais  que  c'est  une  disputation  saincte  et  utile  .  .  .  .  caett.  Calvini  opera.  Vol  VIII.