51:257  257  SUR  L'EPITRE  AUX  EPHESIENS.  258  intitule  Pere  de  celuy  qui  est  nostre  chef,  cognoissons  qu'il  faut  qu'il  nous  advoue  aussi  pour  ses  enfans,  d'autant  qu'il  nous  a  rachetez.  Au  reste,  combien  que  S.  Pani  met  ici  en  un  mot  les  benedictions  spirituelles,  si  est-ce  qu'il  monstre  que  ce  n'est  point  en  une  sorte  seulement  que  Dieu  s'est  monstre  liberal  envers  nous:  et  il  en  fera  une  declaration  plus  ample,  et  specifiera  les  biens  que  nous  obtenons  par  l'Evangile:  car  tout  ce  chapitre  en  est  plein.  Mais  quoy  qu'il  en  soit,  si  est-ce  qu'il  nous  advertit  en  ce  passage,  que  Dieu  ne  nous  a  point  eslargi  de  ses  graces  en  partie,  et  qu'il  ne  nous  les  veut  point  faire  gouster  a  leche  doigt  (comme  on  dit),  mais  qu'il  nous  en  a  donne  une  telle  diversite  et  plenitude,  que  nous  avons  de  quoy  le  magnifier  en  tout  et  par  tout.  Cognoissons  donc  quand  Iesus  Christ  nous  est  ainsi  donne,  qu'en  luy  nous  obtenons  tout  ce  qui  est  utile  pour  nostre  salut  et  pour  une  pleine  felicite:  comme  aussi  sainct  Paul  en  parle  au  8.  chapitre  des  Rom.  Et  si  le  Fils  unique  nous  a  este  donne,  comment  tous  les  biens  qu'il  a  en  soy  ne  nous  seront  ils  communiquez  en  luy  et  par  son  moyen  quant  et  quant?  Or  quoy  qu'il  en  soit,  apprenons  de  tellement  savourer  les  graces  spirituelles  de  Dieu,  que  tous  nos  sens  soyent  recueillis  pour  les  priser.  Et  pour  ce  faire,  advisons  de  ne  avoir  point  nos  appetis  par  trop  adonnez  au  monde.  Car  voila  qui  est  cause  de  nous  distraire  tellement,  que  nous  ne  cognoissons  pas  la  centieme  partie  des  biens  que  Dieu  nous  fait,  et  ne  les  pouvons  appliquer  a  nostre  profit:  c'est  (di-ie)  nostre  vanite,  pource  que  chacun  se  trompe  en  ses  folles  cupiditez  et  extravagantes.  Ainsi  apprenons  de  reietter  ce  qui  nous  empesche  de  venir  a  nostre  Seigneur  Iesus  Christ.  Et  combien  que  nostre  nature  mauvaise  nous  sollicite  a  chercher  les  choses  caduques  de  ce  monde,  que  nous  mettions  peine  a  nous  en  retirer,  tellement  que  nous  puissions  venir  d'une  affection  franche  nous  rendre  a  Dieu,  et  que  nous  ayons  un  desir  ardent  de  luy  estre  obeissans,  et  de  nous  adonner  pleinement  a  luy,  selon  aussi  qu'il  veut  que  nous  y  soyons  conioints.  Voila  ce  que  nous  avons  a  observer  sur  ce  que  sainct  Paul,  apres  avoir  parle  de  ces  benedictions  spirituelles,  adiouste  quant  et  quant,  aux  lieux^  ou  es  choses  celestes  i  pour  monstrer,  iusques  a  ce  que