50:257  257  CAPUT  VI.  258  sertim  in  ecclesia,  mater  est  ambitio.  Eam  itaque  cavendam  docet.  Nam  xevoSoCia  nihil  aliud  est  Paulo  quam  cp:X  hoc  est  cupiditas  honoris:  ubi  quisque  cupit  praeter  caeteros  eminere.  Tametsi  enim  profani  philosophi  non  quamvis  gloriae  appetentiam  damnant:  tamen  inter  Christianos  quisquis  gloriae  cupidus  est,  quia  discedit  a  vera  gloria,  merito  inanis  et  praeposterae  ambitionis  damnatur.  Neque  enim  fas  est  nobis,  nisi  in  solo  Deo,  gloriari.  Extra  Deum  mera  semper  vanitas.  Provocationes  mutuae  et  invidentiae  sunt  filiae  ambitionis.  Nam  qui  ad  summum  gradum  adspirat,  necesse  est  ut  invideat  reliquis.  Inde  obtrectationes,  morsus,  punctiones.  CAPUT  vi.  1.  Fratres  j  etiamsi  praeoccupatus  fuerit  homo  in  aliquo  lapsu,  vos,  qui  spirituales  estis,  instaurate  eiusmodi  hominem  spiritu  lenitatis,  considerans  te  ipsum,  ne  tu  quoque  tenteris.  2.  Alii  aliorum  onera  portate:  et  sic  adimplete  legem  Christi.  3.  Nam  si  quis  putat  se  esse  aliquid,  quum  nihil  sit,  se  ipsum  decipit  4.  Opus  autem  suum  probet  unusquisque:  et  tunc  in  se  ipso  solo  gloriam  habebit,  non  autem  in  alio.  5.  Quisque  enim  proprium  onus  portabit.  1.  Etiamsi  praeoccupatus.  Quemadmodum  in  primis  noxiosa  est  pestis  ambitio:  ita  etiam  non  raro  plurimum  nocet  importunus  et  nimius  rigor,  qui  honesto  quidem  zeli  colore  tegitur,  sed  ex  superbia  saepe  fratrumque  fastidio  et  contemptu  nascitur.  Nam  plerique,  quasi  insultandi  materiam  nacti  ex  fratrum  delictis,  illos  contumeliose  vexant  et  atrociter.  Id  fit  quia  exprobrationi  magis  quam  correctioni  student.  Redarguendi  quidem  sunt  qui  peccarunt:  et  severitate  acrimoniaque  saepe  opus  est.  Ad  importunitatem  igitur  usque  reprehensionibus  insistere  convenit:  sed  oleo  tamen  acetum  temperandum.  Ergo  hic  in  corrigendis  fratrum  delictis  lenitatem  adhibendam  esse  docet:  ac  illas  demum  pias  et  christianas  obiurgationes  esse,  quae  mansuetudinem  resipiant.  Quo  id  facilius  impetret,  quis  piarum  reprehensionum  sit  finis,  ostendit  :  nempe  instaurare  lapsum,  hoc  est  in  integrum  restituere.  Id  nunquam  fiet  violentia,  nec  accusatorio  spiritu,  nec  truculentia  aut  vultus  aut  verborum.  Reliquum  est  ut  spiritum  afferamus  placidum  et  mansuetum,  siquidem  fratri  mederi  propositum  est.  Ac  ne  quis  mansuetudinem  gestu  duntaxat  prae  se  ferat,  spiritum  requirit.  Quo  significat,  eos  demum  fratribus  castigandis  aptos  esse,  qui  ad  lenitatem  animis  sunt  compositi.  Altero  argumento  lenitatem  in  corrigendis  fratribus  commendat,  quum  dicit:  si  praeoccupatus.  Nam  qui  imprudentia  lapsi  sunt,  vel  astu  Calvini  opera.  Vol.  L.